Գյումրեցի 50 անապահով ընտանիք պարենային աջակցություն է ստացել. «Պարենային շտապ օգնություն» ծրագիրը շարունակվում է

Լուրեր

21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
Բոլորը

Գյումրիում մարտի 28-ից մեկնարկել է «Պարենային շտապ օգնություն»  ծրագիրը: Կորոնավիրուսի համավարակի տարածման պատճառով Հայաստանում հայտարարված արտակարգ դրության ու տեղաշարժի խիստ սահմանափակումների պատճառով շատ անհատներ ու ընտանիքներ կորցրել են եկամտի աղբյուրը և չունեն նվազագույն պարենային ապահովում։ Նման վիճակում հայտնված գյումրեցի անապահով ընտանքիներին օգնում  է «Պարենային շտապ օգնությունը»՝ տրամադրելով նվազագույն պարենային զամբյուղ՝ մեկ շաբաթվա համար։

Այս օրերին ընթացքում ծրագրի պատասխանատուներն արդեն ստացել են առցանց 1.497 դիմում, որից հաստատվել է 25-ը, մյուս հայտերն ուսումնասիրման փուլում են։ 50 ընտանիքի էլ արդեն պարենային աջակցություն է տրամադրվել։

«1.497 հայտերից 212-ը մերժվել են, քանի որ մեր ընտրած չափորոշիչներին չեն համապատասխանել։ Նրանք այն ընտանիքներ են, որոնք կարող են օգտվել պետության կողմից իրականացվող սոցիալական ծրագրերից։ Մինչ այս, մենք հատկացրել ենք 50 ընտանիքի պարենային նվազագույն զամբյուղներ, որոնցից 25-ը նպատակային հանգանակություն է։ Մեզ դիմել են բարերարներ ու ասել, որ ցանկանում են օգնություն տրամադրել «Թռչունյան տան» մանկատան սաներին, որոնք կառույցի լուծարումից հետո ընտանիքներ են վերադարձել»,- Factor.am-ի հետ զրույցում ասաց «Պարենային շտապ օգնություն» ծրագրի մամուլի պատասխանատու Լենա Հովհաննիսյանը։

Նա նշեց նաև, որ 88 ընտանիք էլ սպասման փուլում է։

«Սպասողները նրանք են, որոնք մասամբ են համապատասխանում ծրագրի չափորոշիչներին։ Իրենց ուղարկել ենք սպասման փուլ, որ հասկանանք՝ ովքեր են դիմում, որովհետև հայտերի ընդունումը շարունակվում է։ Եթե բոլոր չափորոշիչներին բավարարող ընտանիքներին օգնենք ու հետագայում ստացվի այնպես, որ ունենանք հավելյալ փաթեթներ, ապա այդ 88 ընտանիքներին  էլ կաջակցենք»,- ասաց Լենա Հովհաննիսյանը։

Ծրագրին մասնակցելու համար շահառուները կարող են գրանցվել օնլայն՝ shtapognutyun.am կայքում։ Անապահով ընտանիքներին օգնել ցանկացողներն էլ կարող են donate4gyumri.am կայքում առկա հաշվեհամարներին փոխանցումներ կատարել։ Արդեն հավաքագրվել է 1 մլն 339 հազար դրամ, որից 300.000 դրամը նպատակային է՝ «Թռչունյան տան» սաների համար։

Բացի այդ՝ Գյումրիի մեծ խանութներում ու սուպերմարկետներում տեղադրվել են ծրագրի տարբերանշանով զամբյուղներ ու սայլակներ, որտեղ մարդիկ կարող են պարենի տեսքով աջակցել կարիքավոր ընտանիքներին։

«Սուպերմարկետների հետ սկսել ենք աշխատել մարտի 29-ից , և արդեն հավաքագրվել է  46 փաթեթ։ Դրամային գնահատմամբ՝ ունենք 600.000 դրամի մթերային ապրանքներ։ Նաև երկու հացի արտադրամասի հետ ենք համագործակցում, որոնք մեզ անսահմանափակ քանակությամբ հաց են տրամադրում»,- ասաց «Պարենային շտապ օգնություն» ծրագրի մամուլի պատասխանատուն։

Ծրագրում մեծ դերակատարում ունեն կամավորները, որոնք բաժանված են երկու խմբի. մի խումբն  իրականացնում է սննդի ձեռքբերում, տեսակավորում ու բաժանում, մյուսը զբաղվում է օնլայն հայտերի մշակմամբ։

Հավելենք, որ «Պարենային շտապ օգնություն» ծրագիրն իրականացվում է նախաձեռնող խմբի, Շիրակի մարզպետարանի, «Գյումրին առանց տնակների» հիմնադրամի համատեղ ջանքերով։

Էմմա Չոբանյան