28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Իշխանությունն ի՞նչ պրոբլեմ ունի գաղտնալսելու, յուրաքանչյուրիս կարող են գաղտնալսել․ Սասուն Միքայելյան. ՏԵՍԱՆՅՈՒԹ
Քաղաքականություն
31.03.2020 | 13:43
«Իմ քայլը» խմբակցության պատգամավոր Սասուն Միքայելյանը կարծում է, որ պետք չէ ողբերգություն դարձնել քաղաքացիների հեռախոսազանգերի ու տեղաշարժի մասին տեղեկություններ հավաքագրելու վերաբերյալ նախագիծը։ Խոսքը ԱԺ արտահերթ նիստում քննարկվող «Արտակարգ դրության իրավական ռեժիմի մասին» օրենքում և «Էլեկտրոնային հաղորդակցության մասին» օրենքում լրացումներ կատարելու մասին նախագծերի փաթեթի մասին է։
«Մի քանի ամիս առաջ ընդունեցինք, որ Ոստիկանությունն էլ կարող է գաղտնալսել, իշխանությունն ի՞նչ պրոբլեմ ունի գաղտնալսելու, տարրական բաներ կան, որոնք պետք չի ուռճացնել։ Այստեղ յուրաքանչյուրիս կարող են գաղտնալսել, բայց այսօր ներկայացվել է օրինագիծ, որ այսպիսի բան պետք է լինի։ Այսինքն՝ արվում է մի քայլ, կապ չունի՝ մի հոգու, թե տասը հոգու օգուտ կտա, բայց քայլ է արվում։ Գաղտնալսման հետ կապված խնդիր չկա, յուրաքանչյուրիս կարող են գաղտնալսել, պետք չի տրագեդիա սարքել, որ աշխարհի վերջն է, էս ո՞նց կլինի, իշխանությունն այս ի՞նչ է անում… Իշխանությունը բան չի անում, ընդամենը հետևում է, որ քաղաքացիների կյանքը փրկվի»,- ասաց պատգամավորը։
Նշենք, որ արդարադատության նախարար Ռուստամ Բադասյանի խոսքով՝ Կառավարության ներկայացրած օրինագիծը ոչ թե նախատեսում է հեռախոսազանգերի գաղտնալսում, այլ զանգերի վերաբերյալ տեղեկատվություն՝ առանց բովանդակությունը բացահայտելու։
Մանրամասները՝ տեսանյութում:
