20.05.2026 | 21:27
ԱԺԲ-ի մեքենան վերադարձվել է. ըստ ՆԳՆ-ի՝ այն վերասարքավորված է եղել և գովազդի կանոնների խախտում է ունեցել
Կորոնավիրուսի հետևանքով մահացածներին չդիահերձելու վերաբերյալ նախագիծն ընդունվեց առաջին ընթերցմամբ
Քաղաքականություն
30.03.2020 | 16:07
Կորոնավիրուսի հետևանքով մահացած քաղաքացիներին առանց դիահերձման հուղարկավորելու վերաբերյալ նախագիծն Ազգային ժողովի արտահերթ նիստում ընդունվեց առաջին ընթերցմամբ։
«Բնակչության բժշկական օգնության և սպասարկման մասին» օրենքում լրացումներ կատարելու մասին օրինագծին կողմ քվեարկեց 66, դեմ՝ 16, ձեռնպահ՝ 2 պատգամավոր։
Առողջապահության փոխնախարար Անահիտ Ավանեսյանն իր ելույթում նշեց, որ այս առաջարկն ուղղված է բուժաշխատողներին հնարավոր ռիսկից զերծ պահելուն, ինչի համար այժմ չկան համապատասխան պայմաններ դիահերձումն առանց ռիսկերի իրականացնելու համար։
«Մենք գնում ենք վերազինման, պաշտպանական բարձր աստիճան ունեցող դիահերձարանի կառուցմանն ու ապահովմանը, սակայն մենք այժմ ունենք այս իրավիճակը: Պաշտպանելով բուժաշխատողներին, նրանց հնարավորինս բոլոր միջոցներով ապահովելով՝ կարծում ենք, որ ինչու պետք է գնալ հերձման, ինչու ռիսկի գործոնը բարձրացնել, եթե հայտնի է անձի մահվան պատճառը»,- նշեց փոխնախարարը։
