16.12.2025 | 13:27
Թուրքիան հայտարարել է, որ Սև ծովի վրա խոցել է անկառավարելի դարձած անօդաչու թռչող սարք
Բոլոր քաղաքացիների տեղաշարժի և զանգերի մասին տեղեկատվությունը հասանելի կլինի պատասխանատու մարմնին․նախարարը պարզաբանեց. ՏԵՍԱՆՅՈՒԹ
Հասարակություն
30.03.2020 | 12:04
Մարդու հեռախոսազանգերի և տեղաշարժի վերաբերյալ տեղեկատվության հասանելիությունը հատուկ մարմնին արդյո՞ք վերաբերում է բոլոր քաղաքացիներին։ ԱԺ արտահերթ նիստում Արտակարգ դրության իրավական ռեժիմի մասին ՀՀ օրենքում լրացումներ կատարելու մասին նախագծի քննարկման ժամանակ արդարադատության նախարար Ռուստամ Բադասյանին հարց ուղղեց «Լուսավոր Հայաստան» խմբակցության պատգամավոր Մանե Թանդիլյանը:
Նախարարը դրական պատասխան տվեց՝ ընդգծելով, սակայն, որ այդ տեղեկությունը կարող է առհասարակ հետաքրքրություն չներկայացնել. «Դա այնքանով է հետաքրքիր ու կարևոր, որքանով կարող է արձանագրվել շփում վարակակրի կամ կոնտակտավոր անձանց հետ»։
Հիշեցնենք, որ փոփոխություններով նախատեսվում է՝ համաճարակով պայմանավորված արտակարգ դրության ժամանակ Կառավարության կողմից նշված հատուկ մարմնին իրավունք տալ միջամտություն իրականացվել անձնական տվյալների պաշտպանության, մասնավոր և ընտանեկան կյանքի անձեռնմխելիության, հաղորդակցության ազատության և գաղտնիության իրավունքների նկատմամբ։
Մանրամասները՝ տեսանյութում:
