23.02.2026 | 18:43
ԵՄ-ն մեկ տարով երկարաձգել է Ռուսաստանի դեմ պատժամիջոցները
Ո՞ր իրավունքները չեն կարող սահմանափակվել արտակարգ դրության ժամանակ. ՄԻՊ
Հասարակություն
25.03.2020 | 18:26
Արտակարգ դրության պայմաններում Մարդու իրավունքների պաշտպանի աշխատանքը կազմակերպվում է արտակարգ ռեժիմով:
«Դիտարկումը և բողոքների ուսումնասիրությունը վկայում են, որ անհրաժեշտ է հանրությանն իրազեկել այն մասին, որ ՀՀ Սահմանադրությամբ ամրագրված են իրավունքներ, որոնք բացարձակ բնույթ են կրում և չեն կարող սահմանափակվել արտակարգ դրության ժամանակ: Խոսքը վերաբերում է այդ իրավունքներից հետևյալ հիմնականներին՝
- Մարդու իրավունքների պաշտպանին դիմելու իրավունքը,
- դատական պաշտպանության իրավունքը և մարդու իրավունքների պաշտպանության միջազգային մարմիններ դիմելու իրավունքը,
- արդար դատաքննության իրավունքը, իրավաբանական օգնություն ստանալու իրավունքը և անմեղության կանխավարկածը,
- դատապարտվածի բողոքարկման իրավունքը, ներման խնդրանքի իրավունքը,
- մարդու արժանապատվությունը և կյանքի իրավունքը,
- ֆիզիկական և հոգեկան անձեռնմխելիության իրավունքը և խոշտանգման արգելքը,
- օրենքի առջև ընդհանուր հավասարությունը,
- ամուսնանալու ազատությունը,
- երեխայի իրավունքները,
- կրթության իրավունքը (բացառությամբ մրցութային հիմունքներով կրթության իրավունքը),
- մտքի և կրոնի ազատությունը»,- ասված է հաղորդագրությունում:
