28.11.2024 | 17:35
Զանգվածային անկարգություն է եղել և, այո՛, կիրառվել է «Չերյոմուխա 7»․ Քոչարյան․ ՏԵՍԱՆՅՈՒԹ
Ժամանակն է վերացնել սահմանափակումները, ամերիկացիները ցանկանում են վերադառնալ աշխատանքի. Դոնալդ Թրամփ
Քաղաքականություն
25.03.2020 | 11:18
ԱՄՆ նախագահ Դոնալդ Թրամփը Fox News-ին տված հարցազրույցում նշել է, թե ցանկանում է մինչև Սուրբ Զատիկը՝ ապրիլի 12-ը, երկրում դադարեցնել սահմանափակումները:
«Մարդիկ ցանկանում են վերադառնալ աշխատանքի: Չեմ ցանկանում երկիրն «անջատել» և պանդեմիայի պատճառով շարունակական տնտեսական անկում տեսնել: Գրիպից հազարավոր մարդիկ են մահանում, բայց մենք երկիրը չենք արգելափակում: Ավտովթարներից ավելի շատ մահացություններ ենք ունենում, բայց դրանց պատճառով չենք զանգում մեքենաշինական ընկերությունների և ասում, որ դադարեն մեքենա արտադրել», – ասել է Թրամփը։
ԱՄՆ նախագահը նաև մտահոգություն է հայտնել, թե տնտեսության անկման հետևանքով, հնարավոր է, հազարավոր մարդիկ ինքնասպանություն գործեն:
«Սուրբ Զատիկին կցանկանամ մարդկանցով լի եկեղեցիներ տեսնել»,- ասել է Թրամփը՝ միաժամանակ հավելելով, որ որոշումներ կայացնելիս հաշվի կառնի նաև առողջապահության ոլորտի բարձրաստիճան պաշտոնյաների խորհուրդները:
Նելլի Մելքոնյան
