24.04.2026 | 23:32
Կապանում ջրանջատում կլինի
Կորոնավիրուսի դեպքեր կան Արարատում, Արմավիրում, Կոտայքում, Շիրակում, Սյունքում, Լոռիում. Փաշինյան. ՏԵՍԱՆՅՈՒԹ
24.03.2020 | 19:20
Այս պահի դրությամբ՝ կորոնավիրուսի դեպքեր արձանագրվել են Երևանում, Արմավիրի, Արարատի, Արագածոտնի, Կոտայքի, Սյունիքի, Շիրակի և Լոռու մարզերում: Տեղեկությունը հայտնեց ՀՀ վարչապետ Նիկոլ Փաշինյանը:
«Այս դեպքերի մեծ մասի ծագումնաբանությունը մեզ հայտնի է։ Կորոնավիրուսի տարածման 3 զարգացող ճյուղ ենք ունեցել՝ Իրանից ժամանած մեր հայրենակիցները, Էջմիածնի մեր հայրենակիցները և Երևանի արտադրամասի մեր հայրենակիցները», – ասաց վարչապետը։
Նա, միաժամանակ, նշեց, որ մարտի 23-ի հետազոտությունները ցույց են տվել, որ չի հաջողվել կանխել ճյուղերից մեկի՝ Երևանի արտադրամասի ճյուղի զարգացումը. «Պայքարում էինք Երևանի արտադրամասի ճյուղի հետագա զարգացումը կանխելու համար։ Մարտի 23-ի ախտորոշումների վերլուծությունը, սակայն, ցույց է տալիս, որ Երևանի արտադրամասի ճյուղը, հնարավոր է, մեզ համար անվերահսկելի զարգացում է ունեցել, քանի որ նոր դեպքեր ենք արձանագրել Երևանի և Չարենցավանի այլ արտադրամասերում: Սա մեզ հանգեցրեց եզրակացության, որ պետք է մեկ շաբաթով շատ ավելի խիստ սահմանափակումներ կիրառենք»։
Փաշինյանը նշեց, որ այսօրվանից առնվազն մեկ շաբաթով երկրում գործում են նոր սահմանափակումներ, ինչը նշանակում է, որ հազարավոր ձեռնարկությունների աշխատանքը դադարեցվելու է և թույլատրվելու է միայն կենսական անհրաժեշտ կազմակերպությունների գործունեությունը, մարդկանց միայն կենսական անհրաժեշտ տեղաշարժը։
Մանրամասները՝ տեսանյութում:
