02.03.2026 | 21:27
Ալիևն ընդունել է ՌԴ փոխվարչապետին. քննարկվել են AZAL-ի ինքնաթիռի խոցումը, տրանսպորտային հաղորդակցությունների հարցեր
Վերին Լարսում գտնվող ՀՀ 140 քաղաքացիները Հայաստան կտեղափոխվեն. Տիգրան Ավինյան
Քաղաքականություն
21.03.2020 | 19:28
Օրեր շարունակ Վերին Լարսի անցակետում գտնվող ՀՀ քաղաքացիները Վրաստանի տարածքով Հայաստան կտեղափոխվեն: Այս մասին տեղեկացրել է ՀՀ փոխվարչապետ Տիգրան Ավինյանը:
«Ռուսաստանի և Վրաստանի մեր գործընկերների հետ օրեր շարունակ վարած բանակցությունների և մեր գործընկերների բարի կամքի շնորհիվ հնարավոր է եղել, բացառության կարգով, ապահովել մարտի 20-ի ժամը 20:00 դրությամբ Վերին Լարսի անցակետում օրեր շարունակ գտնված մոտ 140 ՀՀ քաղաքացիների տեղափոխումը Հայաստան՝ Վրաստանի տարածքով: Ցանկանում եմ շնորհակալություն հայտնել Վրաստանի և ՌԴ իշխանություններին, Վրաստանում ՀՀ դեսպանին և Ռոստովում ՀՀ գլխավոր հյուպատոսին:
Ընդգծեմ, որ Վրաստանի կառավարության որոշմամբ՝ օտարերկրացիները, այդ թվում ՀՀ քաղաքացիները, չեն կարող մուտք գործել Վրաստանի տարածք:
Նման իրավիճակներից խուսափելու համար ՌԴ-ից Հայաստան վերադառնալ ցանկացող մեր քաղաքացիներին ևս մեկ անգամ կոչ ենք անում օգտվել բացառապես օդային ճանապարհից»,- ֆեյսբուքում գրել է Տիգրան Ավինյանը:
