11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
ՌԴ-ում նշել են կորոնավիրուսով հիվանդ կնոջ մահվան պատճառը
Քաղաքականություն
19.03.2020 | 19:28
Ռուսաստանում գրանցվել է COVID-19 կորոնավիրուսից առաջին մահը։ Մոսկվայի իշխանությունները հայտնել են, որ կորոնավիրուսի զոհ է դարձել 79-ամյա մի կին:
Մասնագետների խոսքով՝ նա նաև մի շարք քրոնիկ հիվանդություններ ուներ, այդ թվում՝ շաքարախտ, արյան ճնշում և սրտի հետ կապված խնդիրներ։ Միաժամանակ, փորձագիտության արդյունքում պարզվել է, որ 79-ամյա կնոջ մահվան պատճառ է դարձել թոքի երկկողմանի թրոմբոէմբոլիան: Այս մասին գրում է ՌԻԱ Նովոստին՝ վկայակոչելով Մոսկվայի գլխավոր պաթոլոգոանատոմ, պրոֆեսոր Օլեգ Զայրատյանցին:
«Չնայած պացիենտը հոսպիտալացվել է նոր զարգացող թոքաբորբի ախտանշաններով և նրա մոտ կորոնավիրուսի անալիզի արդյունքը դրական է եղել, մահվան պատճառ է դարձել ոչ թե թոքաբորբը, այլ թրոմբը (արյան մակարդուկ): Ուղեկցող ծանր քրոնիկ հիվանդությունների առկայությունը հաստատվել է»,- նշել է Զայրատյանցը:
79-ամյա կնոջը հոսպիտալացրել են մարտի 13-ին, սակայն, հարազատների խնդրանքով, հաջորդ օրը նրան տեղափոխել են մասնավոր կլինիկա: Կորոնավիրուսի առկայությունն ախտորոշելուց հետո կնոջը տեղափոխել են Մոսկվայի թիվ 2 ինֆեկցիոն հիվանդանոցի վերակենդանացման բաժանմունք:
