22.04.2026 | 13:08
UFC-ն հաստատել է Էդմեն Շահբազյանի ու Բրենդան Ալենի մենամարտը
Եվրոպայից Գյումրու օդանավակայան առաջին չվերթի իրականացումը հարցականի տակ է
Տնտեսություն
19.03.2020 | 19:39
Մարտի 26-ին Գյումրիի «Շիրակ» օդանավակայանը, ըստ նախապես հայտարարվածի, պետք է ընդունի առաջին եվրոպական չվերթը գերմանական Մեմինգեն քաղաքից, որն իրականացնելու է «Ryanair» իռլանդական բյուջատային ավիաընկերությունը։ Հայաստանում արտակարգ դրության հայտարարումից ու Եվրոպայում կորոնավիրուսի տարածման վտանգով պայմանավորված, սակայն, պարզ չէ՝ չվերթ կլինի՞, թե՞ ոչ։
«Արմենիա» միջազգային օդանավակայաններ» ՓԲԸ-ի հանրային կապերի պատասխանատու Սաթենիկ Հովհաննիսյանը Factor.am-ի հետ զրույցում նշեց, որ «Ryanair»-ի՝ Գյումրիի «Շիրակ» օդանավակայան չվերթի հետ կապված տեղեկություն դեռ չունեն, իրենց դեռևս ոչինչ չեն տեղեկացրել։
Նշենք, որ «Ryanair» բյուջատային ավիաընկերության պաշտոնական կայքում նույնպես մարտի 26-ի թռիչքի մասին որևէ տեղեկություն կա։ Ըստ կայքի տեղեկատվության՝ թռիչքը նախատեսվում է մարտի 30-ին, տոմսի արժեքը՝ 19.99 եվրո:
Ի դեպ՝ Մեմինգենը եվրոպական միակ ուղղությունը չէ, որտեղից չվերթներ են նախատեսվում դեպի Գյումրի։ «Ryanair»-ը «Շիրակ» օդանավակայան թռիչքներ է իրականացնելու նաև Աթենքից:
