10.10.2026 | 13:16
ԱՄՆ-ն պատրաստակամություն է հայտնել աջակցելու Հայաստանի ԱԱԾ սահմանապահների վերապատրաստմանը
Արսեն Թորոսյանը ներկայացրեց կորոնավիրուսի տարածվածության վերջին տեղեկությունները. ՏԵՍԱՆՅՈՒԹ
19.03.2020 | 12:38
Ունենք կորոնավիրուսի 115 հաստատված դեպք, մեկը՝ առողջացած։ Բոլորի վիճակը բավարար է, նույնիսկ ջերմություններով եթե նայում ենք, 38-ից բարձր ունենք ընդամենը 5 անձ, 39-ից բարձր չունենք, 37-ից բարձր՝ 34 անձ։ Այս մասին այսօր Կառավարության նիստի ժամանակ հայտարարեց առողջապահության նախարար Արսեն Թորոսյանը։
«60-ից բարձր տարիքի 13 անձ ունենք, որոնցից ոչ մեկի ջերմությունը բարձր չի և նրանց կյանքին վտանգ չի սպառնում։ Կարող եմ ասել, որ որևէ մեկի կյանքին վտանգ չի սպառնում։ Նույն տրամաբանությամբ շարունակում ենք հոսպիտալացումները։ Որոշ դեպքերում՝ իրականացնում ենք ինքնամեկուսացում»,- ասաց Արսեն Թորոսյանը։
Ներկայացնելով աշխարհում կորոնավիրուսի տարածման վերաբերյալ վերջին տեղեկությունները՝ նախարարը նշեց. «Չինաստանում երեկ նույնիսկ մեկ նոր դեպք չի արձանագրվել, սակայն բռնկումներն ինտենսիվ շարունակում են Եվրոպայում, հատկապես՝ արևմտյան Եվրոպայում արդեն 10 հազարին են հասնում՝ Ֆրանսիան, Գերմանիան։ Իտալիան արդեն 30 հազար և ավելի դեպք ունի, իսկ մահերի թիվը մոտենում է 3000-ի։ Մահացողների մեծ մասը բարձր տարիքի անձինք են»։
Մանրամասները՝ տեսանյութում։
