08.11.2024 | 23:14
Վթար Աշտարակի խճուղում․ կա տուժած
Իսպանիան 4-րդ երկիրն է՝ կորոնավիրուսի վարակման ու մահացությունների թվով
Քաղաքականություն
16.03.2020 | 20:57
Չինաստանից, Իտալիայից ու Իրանից հետո, կորոնավիրուսի բռնկման ցուցանիշներով, Իսպանիան դարձել է աշխարհում չորրորդ երկիրը։ Այս մասին հայտնում է Associated Press-ը։ Իսպանիայի ներքին գործերի նախարար Ֆերնանդո Գրանդե Մարլասկայի տեղեկացմամբ՝ այսօր ԵՄ անդամները կքննարկեն երկրում համաճարակային դրությունը։
Աղբյուրի փոխանցմամբ՝ Իսպանիայում կորոնավիրուսով վարակման դեպքերը 24 ժամում աճել են 1000-ով՝ հասնելով 9.119-ի։ 309-ի հասած մահացությունների կեսը գրանցվել է մայրաքաղաք Մադրիդում։
Ֆերնանդո Գրանդե Մարլասկան հայտարարել է, որ երկրի տոտալ ագելափակումը կլինի հաջորդ քայլը՝ փողոցներում զինծառայողներ տեղակայելուց, երկաթուղային կայարանները մաքրելուց և մասնավոր հիվանդանոցների վերահսկողությունը ստանձնելուց հետո հետո։
Նախարարը երկրի 46 միլիոն բնակչությանը կոչ է արել տանը մնալ։
Հավելենք, որ Պորտուգալիան և Իսպանիան արդեն պայմանավորվել են դադարեցնել ուղևորափոխադրումը 1,200 կիլոմետրանոց (750 մղոն) ընդհանուր սահմանով: Ապրանքների և աշխատողների ելումուտը դեռևս թույլատրվելու է։
Նելլի Մելքոնյան
