28.11.2024 | 17:52
ԵԽ-ն կոչ է անում չճանաչել Վրաստանի ընտրությունները և պատժամիջոցներ սահմանել Կոբախիձեի, Իվանիշվիլիի ու այլ պաշտոնյաների նկատմամբ
ԱՄՆ-ն կորոնավիրուսի պատվաստանյութը մարդկանց վրա է փորձարկում
Քաղաքականություն
16.03.2020 | 13:26
ԱՄՆ-ում այսօր տեղի կունենա կորոնավիրուսի պատվաստանյութի առաջին կլինիկական փորձարկումը։ Այս մասին հայտնում է Associated Press-ը՝ հղում անելով տեղացի պետական պաշտոնյայի։
Փորձարկումը կկազմակերպվի Սիեթլում գտնվող հետազոտական ինստիտուտներից մեկում։ Այն ֆինանսավորվում է Առողջապահության ազգային ինստիտուտների կողմից:
Պատվաստանյութի փորձարկմանը կմասնակցի 45 երիտասարդ, առողջ կամավոր։ Նրանց կներարկվեն փորձնական պատվաստանյութի տարբեր չափաբաժիններ:
Աղբյուրի փոխանցմամբ՝ փորձարկման մասնակիցները կորոնավիրուսով վարակվելու վտանգի առաջ չեն, քանի որ պատվաստանյութի նմուշները վիրուս չեն պարունակում: Փորձարկման նպատակն է համոզվել, որ պատվաստանյութերը լուրջ կողմնակի ազդեցություններ չունեն։ Դա հնարավորություն կտա հետագայում ավելի լայնամասշտաբ թեստերի անցնել։
Առողջապահության ոլորտի պաշտոնյաները հայտարարել են, որ հնարավոր ցանկացած պատվաստանյութի հաստատումը 1-1.5 տարի կտևի: Նշենք, որ վերջին տվյալներով՝ աշխարհում կորոնավիուսով վարակվածների թիվը գերազանցում է 170 հազարը, իսկ մահացությունների թիվը 6526 է։ 77․788 մարդ կորոնավիրուսից ապաքինվել է։
Նելլի Մելքոնյան
