04.08.2026 | 19:23
Սլովենիան շարունակում է մնալ ԵՄ-ի և ՀՀ-ի միջև սերտ գործընկերության անսասան կողմնակիցը. Յանեզ Յանշան՝ Փաշինյանին
Մոսկվայում մեկնաբանել են Ադրբեջանի կողմից հայկական սահմանի գնդակոծման դեպքերը
Քաղաքականություն
12.03.2020 | 21:21
ՌԴ արտգործնախարարի խոսնակ Մարիա Զախարովան Մոսկվայում տեղի ունեցած ճեպազրույցի ընթացքում անդրադարձել է հայ-ադրբեջանական սահմանին, որտեղ վերջին շրջանում Ադրբեջանը ռմբակոծել է մի քանի հայկական տարածք: Այս մասին հայտնում է Rusarminfo-ն։
«Ցավոք, սահմանին և շփման գծում (Արցախում) հրադադարի ռեժիմի խախտման դեպքերը շարունակվում են, ինչի արդյունքում կան զոհեր, վիրավորներ: Կողմերին կոչ ենք անում զսպվածություն ցուցաբերել, զերծ մնալ ուժ կիրառելուց, ակտիվացնել բանակցային գործընթացը՝ քաղաքական ճանապարհով կարգավորմանը հասնելու նպատակով», – ասել է Զախարովան:
Նա նաև ցավակցություն է հայտնել զոհվածների հարազատներին և մտերիմներին ՝ նշելով, որ ռուսական կողմը կշարունակի հետևել այս թեմային և մեկնաբանել այն։
Հիշեցնենք, որ Մարտի սկզբին ադրբեջանական ուժերը գնդակոծել են Հայաստանի տարածքը՝ Տավուշի մարզի ուղղությամբ, ինչի արդյունքում վիրավորվել է մեկ հայ զինծառայող:
Նելլի Մելքոնյան
