11.02.2026 | 23:36
Քարաթափումներ Երևան-Մեղրի ավտոճանապարհին. վնասվել են ավտոմեքենաներ
Հրայր Թովմասյան չզբաղվել պոլիտիկա. Նիկոլ Փաշինյանը դատավորների մասին. ՏԵՍԱՆՅՈՒԹ
Քաղաքականություն
12.03.2020 | 12:37
ՀՀ վարչապետ Նիկոլ Փաշինյանը Ջերմուկում «Այո»-ի քարոզարշավի ժամանակ անդրադարձավ երեկ Մարտի 1-ի գործով վկային կաշառելու փորձ կատարելու մեջ մեղադրվող Արմեն Թավադյանին ազատ արձակելու որոշմանը:
Վարչապետը նշեց, որ կրկին խոսակցություններ են ընթանում դատավորի անձի և կայացրած որոշումների վերաբերյալ։ Ըստ Փաշինյանի՝ մեզ պետք է դատական համակարգ, որի կայացրած որոշումների վերաբերյալ նման քննարկումներ չեն ծավալվի։
«Դատական համակարգը տեղ-տեղ ակնհայտորեն և բացահայտորեն ներգրավված է եղել քաղաքական պրոցեսների մեջ։ Մենք ոչ թե ասում ենք՝ ուզում ենք մտնել դատական իշխանության դաշտ, մենք ասում ենք՝ դատարանները թող քաղաքականությունից դուրս գան, գնան իրենց գործով զբաղվեն։ Ոնց որ էն կինոյի մեջ ասում է՝ «մուզիկանտ չզբաղվել պոլիտիկա», հիմա էլ ի՞նչ ենք ասում՝ «Հրայր Թովմասյան չզբաղվել պոլիտիկա»։ Եթե ուզում է զբաղվել պոլիտիկա, թող ազատի ՍԴ նախագահի աշխատասենյակը, թող գա Ջերմուկում ձեր առաջ կանգնի, էնքան պոլիտիկայով զբաղվի, ինչքան ուզում է։ Ի՞նչ է նշանակում՝ դատավորը լինի Քոչարյանի կողմնակից, Փաշինյանի կողմնակից… Եթե ինքը որևէ մեկի կողմնակիցն է, կարող է ամեն ինչ լինել՝ բացի դատավորից»,- ասաց վարչապետը։
Մանրամասները՝ տեսանյութում։
