22.05.2026 | 19:13
SpaceX-ը չեղարկել է Starship հրթիռի արձակումը մեկնարկից 28 վայրկյան առաջ
Վրացի փոխնախարարները կորոնավիրուսով վարակվելու կասկածանքներ ունեն
Քաղաքականություն
10.03.2020 | 18:51
Շրջակա միջավայրի պաշտպանության և գյուղատնտեսության նախարարի տեղակալ Յուրի Նոզաձեն կորոնավիրուսի պատճառով ինքնամեկուսացվել է: Այս մասին ճեպազրույցում հայտարարել է Շրջակա միջավայրի պաշտպանության և գյուղատնտեսության նախարար Լևան Դավիթաշվիլին. գրում է aliq.ge-ն:
Նախարարի խոսքով, Յուրի Նոզաձեի ընտանիքի անդամի մոտ հաստատվել է կորոնավիրուս:
«Պարոն Յուրին ձեռնպահ է մնացել հանրային բոլոր հանդիպումներից, ժողովներից և ճեպազրույցներից: Նա գտնվում է ինքնամեկուսացման մեջ, ինչը հաստատում է նրա քաղաքացիական մեծ պատասխանատվությունը: Անցկացրած թեստերով պարոն Յուրիի մոտ կորոնավիրուս չի հաստատվել», — հայտարարել է Դավիթաշվիլին:
Երեկ իր ֆեյսբուքյան էջում գրառում էր կատարել նաև Էկոնոմիկայի և կայուն զարգացման նախարարի տեղակալ Գենադի Արվելաձեն, հայտարարելով որ գտնվում է ինքնամեկուսացման մեջ քանի որ Վրաստանում շփում է ունեցել անձի հետ, ում մոտ հաստատվել է կորոնավիրուս:
