04.08.2026 | 20:51
Փաշինյանը կատարում է ունեզրկման խոստումը․ Ծառուկյանի բիզնեսները կա՛մ փակ են, կա՛մ պետականացված․ ՏԵՍԱՆՅՈՒԹ
8 միլիարդ դոլարանոց փաթեթ` ընդդեմ կորոնավիրուսի. ԱՄՆ-ի Կոնգրեսը հաստատել է արտակարգ հատկացումների ծրագիրը
Քաղաքականություն
07.03.2020 | 16:34
Կորոնավիրուսի հետ կապված անհանգստության այս ալիքի ներքո ԱՄՆ-ի Կոնգրեսը հեշտությամբ հաստատել է ավելի քան 8 միլիարդ դոլարի արտակարգ հատկացումների ծրագիրը: Այդ գումարից երեք միլիարդը պիտի ծախսվի հիվանդության դեմ պատվաստանյութը հայտնաբերելու աշխատանքների համար. գրում է amerikayidzayn.com-ը:
«Ինչպես Ներկայացուցիչների պալատի փոքրամասնության ղեկավար Քեւին ՄաքՔարթին է ասում, ‘’արագացվելու է պատվաստանյութի հայնտաբերման աշխատանքը, ավելի մեծաթիվ թեսթավորումներ են անցկացվելու, ավելի մեծ հնարավորություններ են տրվելու, որ մարդիկ իրենց բժիշկների հետ հանդիպումներն անցկացնեն առցանց”:
Դեմոկրատները պահն օգտագործում են Թրամփին սուր քննադատության ենթարկելու համար, որը ինչպես Սենատոր Փաթրիք Լիհին է ասում, դեռ վերջերս էր ‘’ապատեղեկատվություն տարածում հեռուստատեսությամբ եւ մեղմում ժողովրդին սպառնացող վտանգը’’:
Ներքին գործերի նախարարության պաշտոնատար անձինք օրենսդիրների հետ հանդիպման ժամանակ ասել են, որ հիմա գլխավորը վարակի տարածման արագությունը զսպելն է:
Քանի որ վիրուսը հիմնականում տարածում է գտել Կալիֆորնիայում եմ Վաշինգտոն նահանգում, շատ հաճախ են մամուլի ասուլիսներ անցկացնում հենց այս նահանգը ներկայացնող կոնգրեսականները:
Իսկ ինչպես Առողջապահության նախարար Ալեքս Ազարն է ասում, իրենց կողմից մշտապես պահպանվում է թափանցիկություն այն մասին, թե ինչ կա, եւ այն մասին, թե որ հարցերում են իրենք անտեղյակ:
Թրամփը Կոնգրեսի ներկայացրած 8 միլիարդ 300 միլիոն դոլարի փաթեթը ստորագրելու է մինչեւ այս շաբաթվա վերջը»,- գրում է լրատվական գործակալությունը:
