04.08.2026 | 17:32
Կոնջորյանի ընտրվելու լուրը նախ հայտնեց ՔՊ-ի ֆեյսբուքի էջը, հետո նոր ԱԺ հաշվիչ հանձնախմբի նախագահը
Թուրքիայի մեջլիսում Սիրիայի հարցով 6.5 ժամ փակ նիստ է անցկացվել
Քաղաքականություն
04.03.2020 | 12:55
Սիրիայի Իդլիբ նահանգում փետրվարի 27-ին Սիրիայի կառավարական ուժերի հետ բախումներում թուրքական բանակի մարդկային ուժի զգալի կորուստների պատճառով Թուրքիայի խորհրդարանում (մեջլիս) փակ նիստ է անցկացվել: Այն տևել է շուրջ վեցուկես ժամ. գրում է ermenihaber-ը:
Թուրքիայի պաշպանության նախարար Հուլուսի Աքարը և արտգործնախարար Մևլութ Չավուշօղլուն պատասխանել են պատգամավորների հարցերին:
Նշվում է, որ փակ նիստին խորհրդարանական խմբակցությունների 5 ներկայացուցիչներից յուրաքանչյուրը 30 րոպե ելույթ է ունեցել: Մինչև վերջ նիստին հետևել են Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության նախագահ Քեմալ Քըլըչդարօղլուն և «Գորշ գայլեր» ծայրահեղական խմբավորման քաղաքական թևը համարվող «Ազգայնական շարժում» կուսակցության նախագահ Դևլեթ Բահչելին:
Նիստի արձանագրությունները, որպես պետական գաղտնիք, ենթակա չեն լինի հրապարակման առնվազն 10 տարի։
Հիշեցնենք, որ փետրվարի 27-ին Սիրիայի Իդլիբ նահանգում Ասադի ուժերի դեմ Թուրքիայի մեկնարկած «Գարնան վահան» ռազմական օպերացիայի ժամանակ թուրքական բանակի 34 զինվոր է սպանվել:
