10.08.2026 | 14:20
Հայկ Առաքելյանը նշանակվել է ՀՀ շրջակա միջավայրի նախարարի տեղակալ
Կորոնավիրուսի պատճառով Тwitter-ի աշխատակիցները տանից կաշխատեն
Քաղաքականություն
03.03.2020 | 18:13
Չինական նոր տեսակի կորոնավիրուսի (COVID-19) հետևանքով Twitter-ի աշխատակիցները տանից կաշխատեն, որպեսզի պաշտպանվեն վարակի տարածումից։ Այս մասին հայտնում է BBC-ն՝ հղում անելով Թվիթերի պաշտոնական էջում տեղադրված հայտարարությանը։
Աղբյուրի փոխանցմամբ՝ որոշումը պարտադիր է Թվիթերի Հոնգ Կոնգի, Ճապոնիայի և Հարավայի Կորեայի գրասենյակների աշխատակիցների համար։ Ընկերությունը տանից աշխատելու հորդոր է արել նաև մյուս երկրներում աշխատող իր 5000 աշխատակիցներին, և դադարեցրել է ոչ հրատապ ուղևորություններն ու միջոցառումները։
Թվիթերի մարդկային ռեսուրսների կառավարման բաժնի ղեկավար Ջենիֆեր Քրիստին հայտարարել է, որ իրենց նպատակն է նվազեցնել COVID-19-ի տարածման հավանականությունն ինչպես իրենց աշխատակիցների շրջանում, այնպես էլ ողջ աշխարհում։ Հավելենք, որ վերջին տվյալներով՝ չինական նոր տեսակի կորոնավիրուսով վարակակիրների թիվն աշխարհում 90 հազարի է հասել, իսկ մահացությունների թիվը՝ 3100։ Հարավային Կորեայում վարակից մահացության դեպքերը 31-ի են հասել, իսկ հարևան Իրանում՝ 77-ի։
Նելլի Մելքոնյան
