21.04.2026 | 11:25
Հայաստանը ներկայացնող ուշուիստը կմասնակցի աշխարհի առաջնությանը
Ռոբերտ Քոչարյանի պաշտպանները ինքնաբացարկ ներկայացրին դատավորին. ՏԵՍԱՆՅՈՒԹ
Հասարակություն
03.03.2020 | 14:07
«Անաչառ դիտորդի մոտ այնպիսի տպավորություն է, որ Դուք այն դատավորն եք, որին իշխանությունները ցանկանում են ունենալ, քանի որ նրանց իղձերը կարող եք իրականացնել»,-դիմելով Ռոբերտ Քոչարյանի և մյուսների գործը քննող դատավոր Աննա Դանիբեկյանին ասաց փաստաբան Հայկ Ալումյանը:
Նա մեջբերեց «Փաստինֆո» լրատվականին տված հարցազրույցում ԲԴԽ նախագահ Ռուբեն Վարդազարյանի խոսքերը, թե բոլոր դատավորները պետք է լինեն Աննա Դանիբեկյանի պես:
Ալումյանն ասաց, որ իշխանությունները, Ոստիկանությունը, ԱԱԾ անթաքույց ցույց են տալիս, որ ցանկանում են՝ Քոչարյանը մնա կալանքի տակ և երբ ԲԴԽ նախագահն ասում է, որ բոլոր դատավորները պետք է լինեն Դանիբեկյանի պես, ըստ Ալումյանի, դա նշանակում է, որ լինել իշխանություններին հլուհնազանդ դատավորներ:
Ալումյանը ինքնաբացարկի միջնորդություն ներկայացրեց դատավորին, պնդելով, որ նա անաչառ դատավոր չէ:
Մանրամասները՝ տեսանյութում:
Լիլիթ Շաբոյան
