14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Կատալոնիայի խորհրդարանը հայտարարել է Իսպանիայից անկախանալու մասին (տեսանյութ)
Քաղաքականություն
27.10.2017 | 17:41
Կատալոնիայի խորհրդարանը հոկտեմբերի 27-ին քվեարկության է դրել Իսպանիայից անկախանալու մասին բանաձևը: Բանաձևին կողմ է քվեարկել 72 պատգամավոր, դեմ՝ 10 և 2 ձեռնպահ. տեղեկացնում է meduza.io-ն:
Կատալոնիայի խորհրդարանում բանաձևը քվեարկության է դրվել այն բանից հետո, երբ տարածաշրջանի ղեկավար Կառլես Պուչդեմոնտը հրաժարվել է կատարել արտահերթ ընտրություններ անցկացնելու Մադրիդի պահանջը:
Անկախության հռչակմանն ի պատասխան, Մադրիդը պատրաստվում է տարածաշրջանում անմիջական վերահսկողություն սահմանել: Սպասվում է, որ հոկտեմբերի 27-ին երկրի Սենատը կհաստատի համապատասխան բանաձևը, որը ուժի մեջ կմտնի հաջորդ օրը:
Հիշեցնենք, որ հոկտեմբերի 1-ին տեղի ունեցած հանրաքվեի ժամանակ Իսպանիայից Կատալոնիայի անջատման օգտին քվեարկել էր կատալոնացիների 90 տոկոսը: Մադրիդն ապօրինի էր անվանել անցկացված հանրաքվեն ու երկրում անկարգություններ էին սկսվել, որի հետևանքով տուժել էր ավելի քան 893 մարդ:
Այնուհետև Իսպանիայի Սահմանադրական դատարանն ապօրինի էր ճանաչել Կատալոնիայի անկախության մասին հանրաքվեն ու Իսպանիայի նախարարների խորհուրդը հայտարարել էր Կատալոնիային ինքնավարության կարգավիճակից զրկելու գործընթաց սկսելու մասին՝ կիրառելով երկրի Սահմանադրության 155 հոդվածը:
Կատալոնիայի ղեկավար Կառլես Պուչդեմոնն ասել էր, որ կհայտարարի անկախության մասին, եթե Իսպանիան որոշի դադարեցնել տարածաշրջանի ինքնավարությունը։
Այսօր Կատալոնիան իրեն Իսպանիայից անկախ հռչակեց:
