17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Իրանում կորոնավիրուսը 66 մարդու կյանք է խլել, վարակվածների թիվը հասել է 1501-ի
Քաղաքականություն
02.03.2020 | 16:58
Իրանում նոր տիպի կորոնավիրուսի (Сovid-19) հետևանքով զոհերի թիվը հասել է 66-ի, վարակի ևս 523 նոր դեպք է բացահայտվել: ԻՌՆԱ-ի փոխանցմամբ՝ այս մասին հայտնել է ԻԻՀ առողջապահության փոխնախարար Ալիռեզա Ռաիսին:
Նրա խոսքով՝ երկրում վարակվածների թիվը մարտի 2-ի կեսօրի դրությամբ հասել է 1501-ի, որոնցից 291-ն առողջացել է:
«Կորոնավիրուսով վարակման նոր դեպքերից 225-ը գրանցվել է Թեհրանում, 62-ը՝ Կումում, 53-ը՝ Գիլյանում, 23-ը՝ Սպահանում, 18-ը՝ Մարկազի նահանգում, 18-ը՝ Ղազվինում, 8-ը՝ Ֆարս նահանգում: Վարակի դեպքեր կան նաև Խորասանում, Քերմանշահում, Հորմոզգանում, Խուզեստանում, Սիստան և Բելուջիստանում, Քերմանում և Յեզդում»,- նշել է նա:
Նոր կորոնավիրուսի բռնկումն արձանագրվեց 2019 թվական դեկտեմբերի վերջին, Կենտրոնական Չինաստանի Ուհան քաղաքում: Առողջապահության համաշխարհային կազմակերպությունը ստեղծված իրավիճակը միջազգային մասշտաբի արտակարգ դրություն է ճանաչել՝ այն բնորոշելով բազմաթիվ օջախնեերով համաճարակ:
