31.08.2026 | 10:00
Արտարժույթների փոխարժեքները՝ օգոստոսի 31-ի դրությամբ
Հնդկաստանը ՀՀ-ին ռազմական 4 ռադարային համակարգ կմատակարարի՝ 40 մլն դոլար արժողությամբ. ԶԼՄ-ներ
Տնտեսություն
02.03.2020 | 14:33
Հնդկաստանը Հայաստանին տեղական արտադրության «Swathi» 4 ռադարային համակարգ կմատակարարի: Այս մասին գրում են հնդկական լրատվամիջոցները:
«Times Now» պարբերականի տեղեկություններով՝ արդեն համապատասխան համաձայնագիր է ստորագրվել, իսկ գործարքի արժեքը 40 մլն դոլար է:
Նշվում է, որ ռադիոտեղորոշիչ համակարգը մշակվել է Պետական պաշտպանական հետազոտությունների և զարգացման կազմակերպության Էլեկտրոնիկայի և ռադարների զարգացման հիմնադրամի Բանգալորի լաբորատորիայի կողմից և արտադրվում է «Bharat Electronics Limited (BEL)»-ի կողմից:
Հրապարակման համաձայն՝ Հայաստանը հնդկական արտադրության ռադիոտեղորոշիչ համակարգն ընտրել է ՌԴ-ի և Լեհաստանի կողմից առաջարկվող համակարգերը փորձարկելուց հետո:
Factor.am-ը փորձեց գործարքի մասին մանրամասներ ճշտել ՀՀ պաշտպանության նախարարությունից: Այստեղ, սակայն, հայտարարեցին, որ չեն մեկնաբանում լուրը:
