15.11.2024 | 10:41
Որոշակի հրմշտոց է եղել. Սանոսյանը՝ ՊՊԾ նախկին պետի և Ավինյանի աներոջ մասնակցությամբ միջադեպի մասին․ ՏԵՍԱՆՅՈՒԹ
Ինձ համար սենց է՝ ով օրենքը շրջանցել է դասալիք է, ով չի շրջանցել՝ ոչ. Շարմազանով
Քաղաքականություն
27.10.2017 | 12:55
ՀՀ ԱԺ փոխնախագահ Էդուարդ Շարմազանովը վստահեցնում է՝ օրենքով սահմանված կարգով բանակ չի զորակոչվել:
«Այո, ես պաշտպանել եմ, այսօր էլ գործող դասախոս եմ: Այնպես չի, որ պաշտպանել եմ ու մոռացել եմ դասախոսական աշխատանքը, բայց իմ պաշտպանությունը չի եղել ստացիոնար ասպիրանտուրայի հաշվին։ Այսինքն՝ ես պետությունից տարկետման չեմ արժանացել և չեմ ստացել բանակ չգնալու արտոնություն։ Ունեցել եմ այլ պատճառ, որը զինկոմիսարիատների համապատասխան կառույցներն են որոշել: Տարբերակեք դասալիքներին և բանակ չգնացողներին»,- այս մասին այսր խորհրդարանում լրագրողների հետ զրույցում պարզաբանելով՝ իր բանակում չծառայելու փաստը՝ ասաց ԱԺ փոխնախահը:
Շարմազանովը նկատեց՝ ընդդիմության շարքերում էլ կան մարդիկ, ովքեր օրենքով սահմանված կարգով չեն ծառայել և կարիք չկա ստվերը միայն իշխանության մեջ գցել։
Factor.am-ի հարցին՝ ինչպե՞ս է ստացվում, որ չծառայածների մեծ մասը իշխանության ներկայացուցիչներն են լինում, ԱԺ փոխնախագահը նկատեց. «Իշխանությունը մեծամասնություն է, ընդդիմությունը՝ փոքրամասնություն: Եվ ընդդիմության մեջ կան չծառայածներ, և իշխանության»:
Մանրամասները՝ տեսանյութում:
