26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ՀՀ-ն ու Վրաստանը 2020թ. ռազմական համագործակցության ծրագիրը ստորագրեցին. Դավիթ Տոնոյան. ՏԵՍԱՆՅՈՒԹ
Քաղաքականություն
27.02.2020 | 18:00
Վրաստանի իմ գործընկեր Իրակլի Ղարիբաշվիլիի հետ քննարկել ենք Հայաստանի և Վրաստանի միջև հարաբերություններին, միջազգային և տարածաշրջանային անվտանգությանը, ինչպես նաև երկու երկրների միջև պաշտպանական բնագավառում համագործակցությանը վերաբերող հարցեր: Երևանում գտնվող Վրաստանի պաշտպանության նախարար Իրակլի Ղարիբաշվիլիի հետ հանդիպումից հետո լրագրողների հետ զրույցում այս մասին ասաց ՀՀ պաշտպանության նախարար Դավիթ Տոնոյանը:
«Հպարտանալով մեր ժողովուրդների միջև հազարամյա բարեկամական հարաբերություններով՝ Հայաստանն ու Վրաստանը անվտանգության, քաղաքական, տնտեսական, մշակութային և բազում այլ բնագավառներում կարևորագույն նշանակություն ունեն միմյանց համար և պետք է շարունակաբար ընդլայնեն համագործակցությունը վերոնշյալ բնագավառներում: Ցանկանում եմ նաև շնորհակալություն հայտնել իմ գործընկերոջը՝ հարավկովկասյան տարածաշրջանում առաջին պաշտոնական այցը Հայաստան կատարելու համար»,- նշեց նախարարը:
Դավիթ Տոնոյանը տեղեկացրեց նաև, որ հանդիպման արդյունքներով ստորագրվել է Հայաստանի և Վրաստանի պաշտպանության նախարարությունների միջև 2020 թվականի ռազմական համագործակցության ծրագիրը:
Մանրամասները՝ տեսանյութում:
