05.05.2024 | 10:36
Ծառն ընկել է գազատարի վրա և փակել ճանապարհի երթևեկելի գոտին
ԱՅՈ-ի 3 մլն մրցանակը կտրվի ոչ թե երեկ հաղթած կազմակերպությանը, այլ կբաշխվի «Երեկոյան Երևան» օրաթերթի նկարիչների ու խմբագրի միջև. Սուրեն Պապիկյան
26.02.2020 | 21:33
Երեկ «Քաղաքացիական պայմանագիր» կուսակցության «Այո»-ի շտաբի դրամահավաք-երեկոյի ընթացքում հայտնի էր դարձել «Այո»-ի քարոզչական բրենդինգի բաց մրցույթի հաղթողը։ Լոգոն հրապարակելուց հետո ֆեյսբուքում լուրեր էին շրջանառվում այն մասին, որ լոգոն գրագողություն է՝ վերցված 90-ականներից։ ԱՅՈ շտաբի ղեկավար Սուրեն Պապիկյանը ֆեյսբուքյան ուղիղ հեռարձակմամբ պարզաբանում է շրջանառվող լուրերը:
«Այն համգամանքը, որ ես հիմա գտնվում եմ նույն բրենդավորման ներքո նշանակում է, որ քննարկումներից հետո մենք հանգել ենք այն եզրահանգման, որ առաջին տեղը զբաղեցնող լոգոն շարունակելու է առաջիկա մեկ ամսվա ընթացքում ուղեկցել մեզ»,- ասաց Պապիկյանը՝ մանրամասներ ներկայացնելով:
Նա ասաց՝ քանի որ 1991 թվականին «Երեկոյան Երևան» օրաթերթում տպագրված նկարը շատ նման է ԱՅՈ-ի հաղթած լոգոյին, ուստի հանդիպել են թերթի նկարիչներից մեկի՝ Ցոլակ Ղանդիլյանի ու թերթի խմբագիր Նիկոլայ Ենգիբարյանի հետ:
«Ցոլակ Ղանդիլյանն ասաց, որ նկարի հեղինակը Ստյոպա Նարոյանն է, որը, ցավոք սրտի, արդեն մեզ հետ չէ: Մենք հիմա փորձում ենք գտնել նրա ժառանգներին: Մենք եկել ենք այն եզրակացության, որ 3 մլն դրամը պետք է բաշխենք 3 անձերի միջև, այն է՝ թերթի խմբագիր Նիկոլայ Ենգիբարյանի, Ցոլակ Ղանդիլյանի, որը ԱՅՈ-ի մեկ այլ նկարի հեղինակ է և Ստյոպա Նարոյանի ժառանգների միջև»,- ասաց Սուրեն Պապիկյանը:
Մանրամասները՝ տեսանյութում:
