Քաղաքականություն
26.02.2020 | 17:52
ՀԱՊԿ գլխավոր քարտուղար Ստանիսլավ Զասը Հայաստան կժամանի։ Նրա այցը կտևի մինչև փետրվարի 29-ը։
Այցի շրջանակում նախատեսվում է հանդիպում Հայաստանի վարչապետ Նիկոլ Փաշինյանի հետ։ Այս մասին հայտնում է բելառուսական Belta-ն՝ վկայակոչելով ՀԱՊԿ մամուլի քարտուղար Վլադիմիր Զայնետդինովին։
Աղբյուրի փոխանցմամբ՝ ՀԱՊԿ գլխավոր քարտուղարը հանդիպումներ կունենա նաև արտգործնախարար Զոհրաբ Մնացականյանի, պաշտպանության նախարար Դավիթ Տոնոյանի, Անվտանգության խորհրդի քարտուղար Արմեն Գրիգորյանի և Ազգային ժողովի նախագահ Արարատ Միրզոյանի հետ։
ՀԱՊԿ գլխավոր քարտուղարի կարգավիճակում սա Զասի առաջին այցն է Հայաստան։
Նելլի Մելքոնյան
