19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԵՏՄ-ն չի խանգարում քաղաքականապես ինտեգրվել ԵՄ-ին․ Կարեն Սիմոնյան. ՏԵՍԱՆՅՈՒԹ
Քաղաքականություն
26.02.2020 | 14:11
Հայաստանի տնտեսությունն ինտեգրված է Եվրասիական տնտեսական համագործակցությանը, բայց մեզ ոչինչ չի խանգարում քաղաքականապես ինտեգրվել Եվրամիությանը։ ՀՀ-ԵՄ համաձայնագրի կիրարկման թեմայով կազմակերպված լսումների ժամանակ այս մասին հայտարարեց ԱԺ եվրոպական ինտեգրման հարցերի մշտական հանձնաժողովի նախագահի տեղակալ, «Լուսավոր Հայաստան» խմբակցության պատգամավոր Կարեն Սիմոնյանը՝ պատասխանելով քաղաքագետ Ստեփան Գրիգորյանի հարցին:
«Ես համաձայն եմ, որ Հայաստանի տեղը եվրոպական ընտանիքում է, բայց ո՞նց դա համատեղենք, եթե տնտեսությունն ինտեգրված է ԵՏՄ-ի մեջ»,- հարց ուղղեց քաղաքագետը։
«Ես հենց այդ նպատակով առանձնացրեցի քաղաքական համագործակցությունը, կարող է՝ տնտեսությունը ինտեգրված է եվրասիական տնտեսական համագործակցության մեջ, բայց մեզ ոչինչ չի արգելում քաղաքականապես ինտեգրվել Եվրոպական միությանը, ունենալ այն կառույցները, որոնք անհրաժեշտ են ժողովրդավարության կայացման համար: Օրինակ՝ ունենալ փոխզսպումների և հակակշիռների մեխանիզմներ իշխանության տարանջատված ճյուղերի միջև, ինչպես ԵՄ-ում է, մարդու իրավունքների պաշտպանության նույն համակարգը, ինչպես ԵՄ-ում է»,- նշեց պատգամավորը։
Մանրամասները՝ տեսանյութում:
