26.09.2026 | 20:38
Քաղաքացին ընկել է ջրհորը. նա հոսպիտալացվել է
Բաքու-Դուբայ-Բաքու չվերթի ընթացքում հայկական ֆիլմ է ցուցադրվել
Քաղաքականություն
26.02.2020 | 12:31
Արաբական Միացյալ Էմիրությունների «FlyDubai» ավիաընկերության Բաքու-Դուբայ-Բաքու չվերթի ընթացքում ինքնաթիռում ցուցադրվել է 1988 թվականի երկրաշարժի մասին պատմող հայկական «Սպիտակ» ֆիլմը, ինչը դուր չի եկել օդանավում գտնվող ադրբեջանցիներին։ Այս մասին հայտնում է eadaily.com-ը։
««FlyDubai»-ը, ամենայն հավանականությամբ, հաշվի չի առնում մեր երկրի շահերը: Դեպի Ադրբեջան չվերթներ իրականացնող ավիաընկերությունները նման հարցերում պետք է ուշադիր լինեն։ Նույնիսկ եթե ավիաընկերությունը դեպի Հայաստան չվերթներ է իրականացնում, նման դեպքը կարող է բարկացնել քաղաքացիներին, և արդյունքում նրանք հրաժարվեն օգտվել տվյալ ավիաընկերությունից»,- հայտարարել է չվերթի ադրբեջանցի ուղևորներից մեկը:
Ավիաընկերությունը հայտարարել է, որ չվերթների ընթացքում իրենք ցուցադրում են ավելի քան 1000 ժամ տևողությամբ տեսանյութեր՝ տարբեր լեզուներով և չվերթի ուղղությունից կախված՝ փոփոխություն լինել չի կարող:
Նելլի Մելքոնյան
