02.10.2026 | 11:25
Փաշինյանի երեկվա դիրքորոշումից հետո Հ1-ը հայտնում է՝ որևէ աշխատակից պատասխանատվության չի ենթարկվի սեպտեմբերի 27-ի համերգի համար
Երևանի Լեոնիդ Ենգիբարյանի անվան կրկեսը, ենթադրաբար, կբացվի մինչև 2020 թվականի նոյեմբերը
Մշակույթ
24.02.2020 | 19:11
Երևանի Լեոնիդ Ենգիբարյանի անվան կրկեսը, ենթադրաբար, կբացվի մինչև 2020 թվականի նոյեմբերը։ Այս մասին այսօր լրագրողների հետ հանդիպմանը նշեց Կրկեսի գործիչների միության նախագահ, Երևանի կրկեսի գեղարվեստական ղեկավար Սոս Պետրոսյանը։
«Երևանի կրկեսի շինարարությունը սկսվել է 2011 թվականի մարտին, երբ մայրաքաղաքի քաղաքապետարանը և «Տաշիր» ընկերությունների խումբը համապատասխան համաձայնագիր ստորագրեցին։ Ի սկզբանե ծրագրվում էր պարզապես վերանորոգել հին շենքը, սակայն «Տաշիր» ընկերությունների խումբը որոշեց նորը կառուցել»,- ասաց Սոս Պետրոսյանը։
Մնջախաղի մեծ արտիստ Լեոնիդ Ենգիբարովի ծննդյան 85-ամյակի նախօրեին Հայաստանում է մոսկովյան «Գրանդ Մանեժ» կրկեսը։
«Ծրագրում ենք ելույթ ունենալ մայրաքաղաք Երևանում, Հայաստանի մյուս քաղաքներում և մեկնել Ղարաբաղ։ Մեր ծրագիրը ներառում է բոլոր կրկեսային ժանրերը՝ ամերիկյան անիվից մինչև օդային հնարքներ»,- նշեց «Գրանդ Մանեժ»-ի տնօրեն Սոֆյա Մինասյանը։
Հավելենք, որ 25 արտիստից բաղկացած թատերախումբը Հայաստանում կլինի մինչև հունիսի 1-ը։
Նելլի Մելքոնյան
