17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Հրայր Թովմասյանն ընդդեմ Նիկոլ Փաշինյանի գործը քննող դատավորի անունը հայտնի է
Հասարակություն
24.02.2020 | 17:27
ՀՀ Սահմանադրական դատարանի նախագահ Հրայր Թովմասյանը զրպարտության և վիրավորանքի համար դատական հայց է ներկայացրել ընդդեմ վարչապետ Նիկոլ Փաշինյանի:
«Դատալեքս» տեղեկատվական համակարգից տեղեկանում ենք, որ գործը մակագրվել է Երևան քաղաքի ընդհանուր իրավասության դատարանի դատավոր Գայանե Խաչատրյանին: Դատական նիստի օրը դեռևս հայտնի չէ։
Հիշեցնենք, որ վարչապետ Նիկոլ Փաշինյանը Կապանում տեղի ունեցած ասուլիսի ժամանակ հայտարարել էր, որ ՍԴ նախագահ Հրայր Թովմասյանը իրեն նախ ամենօրյա, ապա ամենշաբաթյա ռեժիմով առաջարկել է իր ծառայությունները, որից ինքը հրաժարվել է։
Ի պատասխան Թովմասյանը հայտարարել էր, որ եթե վարչապետը արժանահավատ փաստ չներկայացնի, որ ինքն իր ծառայություններն է առաջարկել իշխանությանը, զրպարտության վերաբերյալ հայցով դիմելու է դատարան: Վարչապետը խոստացել էր հրապարակել փաստը և խնդրել էր իրեն չմեղադրել անհամաչափ պատասխանի համար, սակայն Փաշինյանն ի վերջո հրապարակել էր գրիչի պատմությունը։
