Հասարակություն
24.02.2020 | 15:26ՀՅԴ երիտմիության անդամ Քրիստինե Վարդանյանը, որն ամիսներ առաջ Բարձրագույն կրթության և գիտության մասին օրենքի նախագծի դեմ բողոքի ակցիաների ակտիվ մասնակիցներից էր, իր առաջարկները ներկայացրեց Ազգային ժողովում նախագծի վերաբերյալ լսումների ժամանակ:
Քրիստինա Վարդանյանի խոսքով՝ շատ ողջունելի է Բարձրագույն կրթության և Գիտության մասին օրենքների միավորումը, սակայն, ըստ նրա, դա տեղի է ունեցել գիտության բլոկի հաշվին: «Գիտության բլոկին հատկացվել է շատ քիչ դեր, մի քանի տող»,- ընդգծեց նա։
Վարդանյանը նաև անդրադաձավ հեռավար ուսուցման ծրագրերի մշակման ու բուհերում հայագիտական առարկաների պահպանման անհրաժեշտությանը։
«Հայագիտական առարկաների դասավանդումն ի սկզբանե կա՛մ դիտավորյալ սխալ մեկնաբանվեց, կա՛մ սխալ ընկալվեց: Որևէ մեկը չի խոսում, որ բուհերում պետք է լինի բուհական ծրագրի կրկնություն, խոսքը հայերենի զարգացման և գիտության ակադեմիական լեզու դարձնելու մասին է»,- նշեց նա:
Մանրամասները՝ տեսանյութում։
