15.06.2026 | 17:44
Նարիշկինը Հայաստանում իրավիճակը «բարդ» է անվանել, ընտրությունները՝ «կասկածելի»
Վրաստանը դադարեցնում է Իրանի հետ ավիահաղորդակցությունը
Քաղաքականություն
24.02.2020 | 13:40
Վրաստանի կառավարությունը կորոնավիրուսի ներթափանցումը երկիր բացառելու համար դադարեցնում է Իրանի հետ ավիահաղորդակցությունը. գրում է aliq.ge-ն:
Կառավարության տարածած հայտարարության համաձայն, այս փուլում տեղափոխվելու համար մնում է ցամաքային սահմանը, որտեղ կգործեն խիստ սահմանափակումներ: Ըստ կառավարության, հարկ եղած դեպքում չի բացառվում նաև ցամաքային արգելքը:
Վրաստանի Արտաքին գործերի նախարարությունը տեղեկացնում է, որ Իրանից Վրաստան ուղևորների տեղափոխումը կդադարեցվի, ավիաընկերությունները հնարավորություն կունենան դատարկ ինքնաթիռներով մտնել Վրաստանի տարածք, որպեսզի այստեղ գտնվող իրանցիները վերադառնալու հնարավորություն ունենան:
Կառավարության պարզաբանմամբ, այս պահին կորոնավիրուսի տարածման ամենաբարձր ցույցանիշը Չինաստանից հետո արձանագրվել է Իրանի իսլամական հանրապետությունում: Իրանի կառավարությունը բոլոր քայլերին դիմում է կորոնավիրուսի տարածումը կասեցնելու համար, սակայն ստեղծված իրավիճակում հարկ է եղել արգելել ավիաչվերթներն Իրանից:
Վրաստանի կառավարությունն արդեն զգուշացրել է Վրաստանի քաղաքացիներին՝ զերծ մնալ Իրան ճանապարհորդելուց: Իրանում գտնվող Վրաստանի քաղաքացիները անհրաժեշտության դեպքում կարող են կապվել Վրաստանի դեսպանատան հետ:
Հիշեցնենք՝ կորոնավիրուսի տարածումը կանխելու նպատակով Իրանի հետ սահմանն արդեն փակել են Հայաստանը, Թուրքիան, Պակիստանը:
