22.05.2026 | 23:01
Ռուսաստանը ժամանակավորապես արգելել է «Ջերմուկ» հանքային ջրի ներմուծումն ու վաճառքը
Սահմանային երեկվա միջադեպի հետևանքով Ադրբեջանի ԶՈՒ-ն կորուստ ունի
Քաղաքականություն
24.02.2020 | 13:17
Հայ-ադրբեջանական սահմանին նախօրեին տեղի ունեցած միջադեպի հետևանքով Ադրբեջանի ԶՈՒ-ն կորուստ ունի: Ադրբեջանական լրատվամիջոցները հայտնում են մեկ զինծառայողի՝ Իբրահիմ Վելևի մահվան մասին:
Հատկանշական է, որ ադրբեջանական կողմը միջադեպը ներկայացնում է, իբր, հայկական ԶՈՒ-ի կողմից «դիվերսիայի փորձ»:
ՀՀ ՊՆ խոսնակ Արծրուն Հովհաննիսյանն ավելի վաղ ֆեյսբուքյան գրառմամբ տեղեկացրել էր, որ նախօրեին ադրբեջանական ԶՈւ-ի ստորաբաժանումները կրակ են բացել ՀՀ ԶՈւ-ի ստորաբաժանումների մարտական դիրքերի ուղղությամբ:
«Կրակից վիրավորվել է հայ զինծառայող, վիրավորումը թեթև է, նրա կյանքին վտանգ չի սպառնում: Հայկական ԶՈւ-ի ստորաբաժանումների պատասխան կրակից հետո ադրբեջանական կրակը դադարել է»,- գրել էր Արծրուն Հովհաննիսյանը:
