04.08.2026 | 19:23
Սլովենիան շարունակում է մնալ ԵՄ-ի և ՀՀ-ի միջև սերտ գործընկերության անսասան կողմնակիցը. Յանեզ Յանշան՝ Փաշինյանին
Աջակցում ենք Պաղեստինի ժողովրդի՝ անկախ պետություն ստեղծելու ձգտմանը. ԱԳ նախարար. ՏԵՍԱՆՅՈՒԹ
Քաղաքականություն
24.02.2020 | 12:49
Հայաստանը սատարում է պաղեստինյան հիմնահարցի՝ երկու պետության սկզբունքի հիման վրա կարգավորումը և կողմերի միջև բանակցությունների վերսկսման ջանքերը: Այսօր լրագրողների հետ հանդիպմանը ներկայացնելով ԱՄՆ նախագահ Թրամփի ներկայացրած «դարի գործարքի» շուրջ պաշտոնական Երևանի մոտեցումը՝ ասաց ՀՀ ԱԳ նախարար Զոհրաբ Մնացականյանը:
«Ընդունելով իր քաղաքացիների համար խաղաղ և անվտանգ պետություն ունենալու՝ Իսրայելի իրավունքը, միաժամանակ, աջակցում ենք Պաղեստինի ժողովրդի՝ ինքնորոշման իրավունքի իրագործմամբ անկախ պետություն ստեղծելու ձգտմանը»,- հավելեց նախարարը:
Նրա խոսքով՝ Հայաստանն առանձնահատուկ ուշադրությամբ հետևում է նաև Երուսաղեմի կարգավիճակի շուրջ ընթացող զարգացումներին, ինչը պայմանավորված է Սուրբ քաղաքում հայկական դարավոր ներկայությամբ, հայկական հարուստ պատմամշակութային ժառանգությամբ, ինչպես նաև այն հանգամանքով, որ Հայ առաքելական եկեղեցին սուրբ վայրերի իրավատեր Եկեղեցիներից մեկն է:
Մանրամասները՝ տեսանյութում:
