26.09.2026 | 20:38
Քաղաքացին ընկել է ջրհորը. նա հոսպիտալացվել է
Էսկալացիայի ռիսկերի աճը թույլ չի տա բանակցություններում իրական առաջընթացի հասնել. Զոհրաբ Մնացականյան. ՏԵՍԱՆՅՈՒԹ
Քաղաքականություն
24.02.2020 | 12:31
Որևէ կերպ կասկածի տակ դնել մեր մոտեցումը և ենթադրել, որ անվտանգությունը և ստատուսը միմյանցից տարանջատված են, կարծում եմ՝ որևէ առիթ չենք տվել և նպատակ չունենք տալու: Այսօր լրագրողների հետ զրույցում պատասխանելով ազգերի ինքնորոշման սկզբունքի առաջնահերթության մասին հարցին՝ ասաց ՀՀ ԱԳ նախարար Զոհրաբ Մնացականյանը:
Անդրադառնալով երեկ հայ-ադրբեջանական սահմանին տեղի ունեցած միջադեպին, որի հետևանքով հայ զինծառայող է վիրավորվել, նախարարն այն չափազանց մտահոգիչ որակեց՝ ընդգծելով, որ էսկալացիայի ռիսկերի նվազեցման տարրը մեզ համար կարևորագույններից է բանակցային գործընթացում:
«Էսկալացիայի ռիսկերի աճը հնարավորություն չի տալու իրական առաջընթաց ունենալ բանակցային գործընթացում: Մենք ունենք կարևոր ձեռքբերում 2019 թվականի ընթացքում՝ էսկալացիայի ավելի նվազ պատկեր, մենք ունենք լավ օրինակ, երբ օգտագործվում է դրա համար ուղիղ գիծը»,- նշեց Զոհրաբ Մնացականյանը՝ նշելով, որ շատ էական է պահպանել էսկալացիայի նվազ ռիսկերը:
Մանրամասները՝ տեսանյութում:
