17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Հայաստանը չի կարող թանկ հաճույք թույլ տալ, որ դեսպանները ոչինչ չանեն ու մնան պաշտոնի․ Հայկ Մարտիրոսյան. ՏԵՍԱՆՅՈՒԹ
Քաղաքականություն
20.02.2020 | 16:22
Ունենա՞լ նոր Սահմանադրություն, թե՞ փոփոխել գործող Սահմանադրությունը, ամեն դեպքում՝ ժողովուրդն է «այո» կամ «ոչ» ասելու այդ հարցին։ Սահմանադրական փոփոխությունները Հայաստանում. քաղաքացիական հասարակության դիրքորոշումները» խորագրով հանրային քննարկմանը ասաց «Թրանսփարենսի Ինթերնեշնլ» հակակոռուպցիոն կենտրոնի ներկայացուցիչ Հայկ Մարտիրոսյանը։
«Խնդիրը հետևյալն է՝ ի՞նչ նպատակ է հետապնդում դա։ Այսօր թեև պառլամենտական համակարգ ունենք, այդուամենայնիվ, պատգամավորը կարող է լինել ոչ կուսակցական, ընտրվել մի քաղաքական ուժի կազմում ու ընտրվելով՝ մանդատը վայր դնել։ Իմաստը պետք է լինի հետևյալը. ընտրել այնպիսի համակարգ, որը կնպաստի քաղաքական համակարգի զարգացմանը։ Մեր կուսակցությունները անձակենտրոն են՝ կա անձ, կա կուսակցություն, չկա անձ, չկա կուսակցություն»,- ասաց նա:
Մարտիրոսյանի կարծիքով՝ դեսպաններին նոր պաշտոններում պետք է հաստատի խորհրդարանը. «Կարող են ասել՝ արտգործնախարարը գալիս է ԱԺ, պատգամավորները հարց են տալիս նրան ու բավարար է։ Դեսպաննները ներկայացնում են պետությունը։ Հայաստանն իրեն թանկ հաճույք չի կարող թույլ տալ, որ դեսպանները ոչինչ չանեն ու մնան պաշտոնի»:
Մանրամասները՝ տեսանյութում:
Ռոբերտ Անանյան
