14.07.2026 | 13:36
Նյու Յորքում քննարկվել են Հայաստանի տնտեսական զարգացման և ներդրումային հնարավորությունները
Ռազմիկ Աբրահամյանի մեղադրանքը լրացվել է. նա գրավով ազատ է արձակվել
Հասարակություն
20.02.2020 | 16:44
Ապօրինի որդեգրումների գործով անցնող, նախկին գլխավոր գինեկոլոգ, մանկաբարձ Ռազմիկ Աբրահամյանի մեղադրանքը փոփոխվել և լրացվել է: Նրան մեղադրանք է առաջադրվել նաև ՀՀ Քրեական օրենսգրքի 167-րդ հոդվածի 3-րդ մասով (ծնողներից երեխային ապօրինի բաժանելը կամ երեխային փոխելը, որոնք կատարվել են կազմակերպված խմբի կողմից, կամ անզգուշությամբ առաջացրել են երեխայի մահ կամ այլ ծանր հետևանքներ)։
Տեղեկությունը Factor.am-ի հետ զրույցում ասաց գլխավոր դատախազության հանրային կապերի վարչության պետ Արևիկ Խաչատրյանը։
Նրա փոխանցմամբ՝ դատարանը բավարարել է կալանքի միջնորդությունը, սակայն այլընտրանքային խափանման միջոց է ընտրել գրավը՝ 5 միլիոն դրամի չափով։
Հիշեցնենք՝ Ռազմիկ Աբրահամյանին մեղադրանք էր առաջադրվել ՀՀ քրեական օրենսգրքի 167-րդ հոդվածի 3-րդ կետով (Ծնողներից երեխային ապօրինի բաժանելը կամ երեխային փոխելը) և 200 հոդվածի 3-րդ կետով (առևտրային կաշառք):
