Գյումրիի նախկին ռադիոգործարանի հանրակացարանի վթարային շենքերի ու բնակիչների ճակատագիրն անորոշ է

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Գյումրիի Բուլվարային թաղամասի Գործարանային փողոցի 2/4 հասցեում գտնվող նախկին ռադիոգործարանի հանրակացարանի երկու շենքերն անհատույց տրվել էին «Հայաստան» համահայկական հիմնադրամին՝ «Մեր Գյումրի» սոցիալական բնակարանաշինական ծրագրի համար: Շենքերի վթարայնության պատճառով ծրագիրը հետաձգվել է, իսկ կառույցների, ինչպես նաև տեղի բնակիչների ճակատագիրը մնացել է անհայտ:

Նշենք, որ «Մեր Գյումրի» ծրագիրը մեծ ոգևորություն էր առաջացրել հատկապես վթարային շենքի բնակիչների շրջանում, որոնք հույս ունեին ամուր տանիք ունենալ, սակայն ապարդյուն: Այժմ ծրագրի իրականացման համար նոր տարածք են փնտրում, իսկ թե ինչ կլինի վթարային շենքերի հետ և արդյո՞ք բնակիչների բնակարանային հարցը կստանա հստակ լուծում, պարզ չէ:

«Այս պահին ոչ մի հստակություն չկա, համենայնդեպս՝ հույս ունեինք, որ բնակիչներրի համար տուն կկառուցվեր հենց իրենց տեղում: Բայց այդ շենքերն այլևս չեն կառուցվելու, քանի որ 3-րդ կարգի վթարային են, և իմաստ չունի գումար ծախսել: Բացի այդ՝ ԱԻՆ-ը թույլ չի տա։ Հիմա պետք է այլ վայրում գտնել տարածք, որպեսզի հատկացում լինի, որ կառուցեն մեկ կամ երկու նոր շենք: Ընդհանուր մոտեցումն այն է, որ վթարային շենքերը, եթե դրանք պատմական, կամճարտարապետական նշանակություն չունեն, իմաստ չունի վերականգնել,ավելի լավ է մոտավոր նույն գումարով նոր շենք կառուցել»,- Factor.am-ի հետ զրույցում ասաց Շիրակի փոխմարզպետ Վարդան Գրիգորյանը։

Նա նաև նշեց, որ հանրակացարանի բնակիչներին բնակարանով պիտի ապահովեն, նախատեսվում է նրանց ընդգրկել հիմնադրամի իրականացվելիք նոր բնակարանաշինական ծրագրում:

Նշենք, որ ավելի վաղ «Հայաստան» համահայկական հիմնադրամից մեզ տեղեկացրել  էին, որ ծրագիրը միանշանակ իրականացվելու է:

«Համահայկական հիմնադրամը համագործակցում է Շիրակի մարզպետարանի և Գյումրու քաղաքետարանի հետ՝ վերոհիշյալ շինությունների հետ կապված նոր լուծումներ գտնելու կամ հիմնովին նոր շենք կառուցելու կապակցությամբ։ Այլ մանրամասներ՝ կապված այս շենքերի վերակառուցման կամ նոր շենքի կառուցման հետ, կհրապարակվեն վերջնական որոշման կայացումից հետո»,- ասել էին հիմնադրամի հասարակայնության հետ կապերի բաժնից:

Նշենք, որ ռադիոգործարանի հանրակացարանի շենքերից մեկը Գյումրիի ավագանին ժամանակին տրամադրել էր շվեյցարահայ գործարար Վարդան Սրմաքեշի «Ֆրանկ Մյուլլեր» ընկերությանը՝ արհեստագործական կենտրոն հիմնելու համար։ Սակայն անցյալ տարի ավագանին արտահերթ նիստ հրավիրեց, ներդրումների ուշացման պատճառով նախորդ որոշումը ուժը կորցրած ճանաչեց և շենքը տրամադրեց հիմնադրամին: Բիզնես առաջարկներ այժմ շենքերի մասով չկան։

Հիշեցնենք, որ «Մեր Գյումրի» ծրագրի շրջանակում կառուցվելու էր յուրօրինակ սոցիալական թաղամաս, երկար տարիներ տնակներում բնակվող 80 գյումրեցի ընտանիք հնարավորություն էր ունենալու ապրել ու աշխատել մի վայրում։ Շահառուների բնակարանային խնդրի լուծման հետ մեկտեղ՝ նրանց աշխատելու, կրթվելու, զարգանալու և նոր հմտություններ ձեռք բերելու հնարավորություն էր տրվելու: Նորակառույցի առաջին հարկում նախատեսված էր ապահովել բնակիչների զբաղվածությունը, որտեղ լինելու էր ապագա բնակիչների մասնագիտություններին, հմտություններին և նախասիրություններին համապատասխան հարմարեցված հարթակ, բացվելու էին ամենատարբեր սրահներ՝ վարսահարդարման, ոսկերչական, խոհարարական, համակարգչային, նկարչական, որտեղ նաև ուսուցում  էր իրականացվելու:

Էմմա Չոբանյան