22.05.2026 | 20:47
Գորիսում ընտրական իրավունքի իրականացումը խոչընդոտելու գործով հետախուզվում է քրեական հեղինակություն Արտեմ Դոռունցը. ՆԳՆ
Հարավային Կորեայի նախկին նախագահը 17 տարվա ազատազրկման է դատապարտվել
Քաղաքականություն
19.02.2020 | 19:26
Սեուլի գերագույն դատարանը Հարավային Կորեայի նախկին նախագահ Լի Մյոն Բակին մեղավոր է ճանաչել միջոցների յուրացման և խոշոր չափերի կաշառք ստանալու գործով: Այս մասին հայտնում է ՏԱՍՍ-ը:
Նրա նկատմամբ պատժամիջոց է ընտրվել կալանավորումը` 17 տարի ժամկետով: Նախկին նախագահը կալանավորվել է հենց դատարանի դահլիճում: Աղբյուրի փոխանցմամբ՝ Հարավային Կորեայի Դատախազությունը պետության նախկին ղեկավարին կասկածում էր «DAS» ավտոմոբիլային մասերի արտադրող կազմակերպության միջոցները յուրացնելու, ինչպես նաև նախագահության ընթացքում «Samsung Electronics» ընկերությունից կաշառքներ ստանալու համար:
Նշենք, որ Հարավային կորեայի նախկին նախագահը նախկինում պատիժ է կրել կոռուպցիայի և կաշառակերության համար: 2018-ին Սեուլի գերագույն դատարանը նրան դատապարտել էր 15 տարվա ազատազրկման։ 2019-ին նա գրավի դիմաց ազատ էր արձակվել՝ առողջական վիճակի վատթարացման պատճառով:
Նելլի Մելքոնյան
