15.06.2026 | 11:47
ՌԴ-ն զանգվածային հարված է հասցրել Կիևին․ հրդեհվել է Կիև-Պեչորյան մայրավանքը․ ՏԵՍԱՆՅՈՒԹ
«Վարդագույն քաղաք Երևան»․ Ryanair-ը Երևանի մասին հոդված է հրապարակել
Տնտեսություն
18.02.2020 | 14:11
Ryanair ավիաընկերությունն իր կայքում «Վարդագույն քաղաք Երևան. հայկական մշակույթը, բարձրորակ խոհանոցն ու ուշագրավ պատմությունը» վերնագրով հոդված է հրապարակել։
Ավիաընկերության մեդիա թիմը վերջերս է Հայաստան ժամանել՝ Զբոսաշրջության կոմիտեի աջակցությամբ։ Հոդվածում ներկայացված են այցի առաջին տպավորությունները։
Մասնավորապես՝ խոսվում է Երևանի մշակութային ու ժամանցային վայրերի մասին։ Անդրադարձ է կատարվում նաև ազգային սննդի կետերին և քաղաքի հետաքրքիր վայրերին։
«Քայլելով Հայաստանի հիասքանչ մայրաքաղաք Երևանի լուսավոր փողոցներով, առաջին բանը, որ գրավում է, քաղաքի յուրահատուկ գույներն են։ Պայծառ վարդագույնով և մուգ շագանակագույնով ծածկված շենքերը հնի ու նորի համայնապատկեր են ստեղծում: «Վարդագույն քաղաք» անունը Երևանը ստացել է կարմիր հրաբխային քարից, որով կառուցվել են հնագույն շինությունները։ Դա Երևանին խորհրդավոր հմայք է տալիս»,- ասվում է հոդվածում։
Նշվում է նաև, որ Հայաստանն արագ զարգացող զբոսաշրջային ուղղություն է՝ իր պատմական վայրերով, ավանդույթներով, հետաքրքիր մշակույթով, սպորտաձևերով և գիշերային աշխույժ կյանքով։
Հիշեցնենք, որ Ryan air լոուքոսթերը հայկական ավիաշուկա է մուտք գործել 2019-ի վերջին։ Արդեն 2020-ի հունվարից՝ ավիաընկերությունն ուղիղ չվերթներ է իրականացնում Երևանից Հռոմ և Միլան և Բեռլին։
Նելլի Մելքոնյան
