17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Սիրիական կառավարական զորքերն ազատագրել են Հալեպի բնակավայրերի մեծ մասը
Քաղաքականություն
17.02.2020 | 13:16
Սիրիայի կառավարական բանակի ստորաբաժանումները շարունակում են հարձակվել Հալեպ և Իդլիբ նահանգներում ահաբեկիչների դիրքերի վրա: ՍԱՆԱ-ի փոխանցմամբ՝ դաժան մարտերի ընթացքում կառավարական զորքերին հաջողվել է ազատագրել Հալեպի բնակավայրերի մեծ մասը՝ ընդլայնելով անվտանգության գոտին:
Աղբյուրի փոխանցմամբ՝ լավ ծրագրված ռազմական գործողության արդյունքում ահաբեկիչները մեծաթիվ կորուստներ են կրել:
Հալեպի արևմտյան և հյուսիս-արևմտյան շրջանների ազատագրումից հետո բնակիչները դուրս են եկել քաղաքի փողոցներ՝ տոնելու բանակի հաղթանակը:
Ավելի վաղ հաղորդվել էր Հալեպի նահանգի Քաֆր-Դաիլ և Ալ-Մանսուր բնակավայրերը, ինչպես նաև Ալ-Հալյակիմ, Ար-Ռաշիդինի, Աջել, Օվեյջել շրջաններն ու Թել-Շուվեյխան բարձունքն ահաբեկիչներից ազատագրելու մասին:
Իդլիբ նահանգի հարավում էլ կառավարական զորքերն ահաբեկիչներից ազատագրել են Ար-Ռաքայա բնակավայրը՝ ահաբեկիչներին կենդանի ուժի և զինտեխնիկայի կորուստներ պատճառելով:
