28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Թուրքիայի նախագահն ու գլխավոր ընդդիմադիրը դատի են տալիս իրար
Քաղաքականություն
17.02.2020 | 11:26
Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուն դատական հայց կներկայացնի հանրապետության նախագահ Ռեջեփ Թայիփ Էրդողանի դեմ. գրում է ermenihaber-ը:
Նախորդ շաբաթ խորհրդարանական խմբակցության նիստում Քըլըդարօղլուն հայտարարել էր, որ Էրդողանը Թուրքիայում ահաբեկչական համարվող «Ֆեթհուլլահական խմբավորման» (FETÖ) քաղաքական թևն է։
Այդ հայտարարության պատճառով Էրդողանը Քըլըչդարօղլուի դեմ դատական հայց էր ներկայացրել՝ 500․000 թուրքական լիրա (շուրջ 82․780 դոլար) բարոյական փոխհատուցման պահանջով։
ԺՀԿ առաջնորդի փաստաբան Ջելալ Չելիքը սոցցանցերում կատարած գրառմամբ տեղեկացրել է, որ պատրաստվում է հակընդդեմ հայց ներկայացնել Էրդողանի դեմ։ Ավելի ուշ հայտնի է դարձել, որ Քըլըչդարօղլուի անունից Թուրքիայի նախագահի դեմ հակընդդեմ հայց կներկայացվի փետրվարի 17-ին։
