17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Երբ Տիգրան Մեծը բանակցում էր Պոմպեյի հետ Ադրբեջան պետություն չկար. Նիկոլ Փաշինյան. ՏԵՍԱՆՅՈՒԹ
Քաղաքականություն
15.02.2020 | 21:35
Մյունխենի անվտանգության համաժողովի շրջանակում Լեռնային Ղարաբաղի հիմնահարցի վերաբերյալ պանելային քննարկում էր կազմակերպվել, որին մասնակցում էին ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը։
Քննարկմանն Ալիևը հավաքվածներին ներկայացրեց, թե իբր Ղարաբաղն ու Երևանը ադրբեջանական տարածքներ են եղել։
ՀՀ վարչապետ Նիկոլ Փաշինյանը պատասխանեց նրան։
«Երբ հայոց արքա Տիգրան Մեծը բանակցում էր հռոմեացի զորավար Պոմպեյի հետ, Ադրբեջանը չկար քարտեզի վրա, ուստի չեմ կարծում, որ պետք է այդքան հեռուն գնալ»,– ասաց նա։
ՀՀ վարչապետն անդրադարձավ նաև Ղարաբաղի թեմային և նշեց, որ այդ հարցում չի համաձայնվի Ալիևի հետ։
«Կովկասյան բյուրոն որոշում էր կայացրել, որ Ղարաբաղը լինի Հայաստանի մաս։ Դրանից հետո Ստալինի անձնական նախաձեռնությամբ Մոսկվայում այն փոխվեց, և դա կարծես դավ էր Ստալինի, Լենինի և Աթաթուրքի միջև։ Ղարաբաղը չի եղել Ադրբեջանի կազմում, այն մտցվել է Խորհրդային Ադրբեջանի կազմի մեջ»,– ասաց նա։
ՀՀ վարչապետը շեշտեց` Լեռնային Ղարաբաղը ԽՍՀՄ կազմից դուրս է եկել այնպես, ինչպես դուրս է եկել Ադրբեջանը։
