26.09.2026 | 20:38
Քաղաքացին ընկել է ջրհորը. նա հոսպիտալացվել է
Այսօրվա Ոստիկանությունը համարժեք չէ տիրող իրավիճակին․ «Իմ քայլի» պատգամավոր. ՏԵՍԱՆՅՈՒԹ
Քաղաքականություն
13.02.2020 | 14:31
ՀՀ արդարադատության նախարարությունը հանրային քննարկման է ներկայացրել ՀՀ ոստիկանության բարեփոխումների 2020-2022 թվականների ռազմավարությունը, որով առաջարկում է ստեղծել ներքին գործերի նախարարություն:
«Իմ քայլի» պատգամավոր Արմեն Խաչատրյանը լրագրողների հետ հանդիպմանն ասաց, որ ողջունում է նախարարության նախաձեռնությունը:
«Այսօրվա Ոստիկանությունը համարժեք չէ տիրող իրավիճակին, հանցավորությունների քանակին։ Բավականին լավ նախագիծ է, ամփոփ ներկայացված են բոլոր խնդիրները, առաջին քայլը, որը կձեռնարկվի պարեկային ոստիկանություն ձևավորելն է, հեռու չգնանք մեր հարևան Վրաստանին հիշելիս, հղում ենք անում «պատրուլին»։ Ես վստահ եմ որ մենք կարողանալու ենք ունենալ այնպիսի ոստիկան, պարեկ, որը կբարձրացնի նաև ՀՀ-ի միջազգային վարկանիշը»,- ասաց նա։
Խաչատրյանն ասաց, որ երբ Քննչական կոմիտեն ստեղծվեց և Ոստիկանությունն այլևս չկարողացավ մասնակցել նախաքննության փուլին, սա բացասական քայլ էր և հիմա Ոստիկանությանը լայն հնարավորություն տալը կարող է դրական ազդել հանցագործությունների բացահայտման վրա։
Մանրամասները՝ տեսանյութում։
Լիլիթ Շաբոյան
