10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Չեմ կարծում՝ թիվ մեկ հարկատուի հանդեպ սա ճիշտ վերաբերմունք է․ Գուրգեն Բաղդասարյան. ՏԵՍԱՆՅՈՒԹ
Տնտեսություն
13.02.2020 | 13:29
ԱԺ-ն քննարկում է Կառավարության կողմից ներկայացված «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման» մասին և կից ներկայացված օրենքների նախագծերի փաթեթը։
«Լուսավոր Հայաստան» խմբակցության պատգամավոր Գուրգեն Բաղդասարյանը կոչ արեց դեմ քվեարկել փաթեթին, քանի որ խախտվել է քաղաքական պայմանավորվածությունը, քանի որ ամբիոնից այլ բան են պայմանավորում, բայց հանձնաժողովի նիստին այլ բան են ներկայացնում։
«Ի՞նչ մեսիջ ենք մենք մղում մեր թիվ մեկ հարկատուներին և մյուս կազմակերպությանը՝ «Սիգարոնին», այս նախագծով: Առողջապահության նախարարությունն օրենք է արտագրել Ավստրիալիայից, որ տուփերը պետք է սպիտակեն, բայց հաշվի չի առել, որ Ավստրիալիայում տեղական ընկերությունը չի գրավում շուկայի 50 և ավելի տոկոս մասնաբաժինը: Մենք հիմա ի՞նչ մեսիջ ենք ուղարկում «Գրանդ Տոբակոյին» և «Սիգարոնին», ասում ենք՝ ձեզ երեք տարի հետո դուրս ենք հանելու տրանսազգային կորպորացիաների հետ համատեղ մրցակցությունից, կարծում եմ, որ պատկերացնում եք՝ ի՞նչ եմ ասում, քանի որ այնտեղ կան շատ քողարկված գովազդներ՝ նույն «Ֆիլիպ Մորիսը, «Դավիդովը», նույն «Ջեյ Թի Այ»-ը: Հիմա ուզում եմ բոլորիդ հարց տամ՝ սենց բան Ամերիկան «Ֆիլիպ Մորիսի» հանդեպ անո՞ւմ է, կամ Գերմանիան «Դավիդովի» հանդեպ»,- ասաց Բաղդասարյանը։
Նրա կարծիքով՝ սա թիվ մեկ հարկատուի հանդեպ ճիշտ վերաբերմունք չէ։
Մանրամասները՝ տեսանյութում։
