26.09.2026 | 20:38
Քաղաքացին ընկել է ջրհորը. նա հոսպիտալացվել է
Հիշողությանը ինչո՞ւ եք հղում անում, Youtube կա․ Փաշինյանը՝ Մարուքյանի նախկին ելույթների մասին. ՏԵՍԱՆՅՈՒԹ
Քաղաքականություն
12.02.2020 | 19:53
«Եկեք նայենք Ձեր բոլոր ելույթները Սերժ Սարգսյանի ներկայությամբ, երբ որ ինքը նստած է եղել, նայեք Ձեր տոնը, բառապաշարը և համեմատեք հիմիկվա հետ։ Այո՛, վայելեք այդ ազատությունը, որ հեղափոխությունը Ձեզ բերել է, բայց գոնե ընդունեք դա»,- Կառավարության հետ հարցուպատասխանի ժամանակ, պատասխանելով «Լուսավոր Հայաստան» խմբակցության պատգամավոր Էդմոն Մարուքյանի բարձրացրած հարցերին, ասաց վարչապետ Նիկոլ Փաշինյանը։
Ապա վարչապետը նշեց․ «Ասենք, դուք կարայի՞ք Սերժ Սարգսյանի ներկայությամբ էդպես խոսել և ոչ միայն Սերժ Սարգսյանի, այլև որևէ վարչապետի ներկայությամբ։ Ուրեմն՝ Դուք մտածում եք, որ մենք կարող ենք այսօր «Լուսավոր Հայաստանի» դեմ որևէ մեկին հանձնարարություն տա՞լ։ Ինչի՞ Դուք մտածում եք, պարոն Մարուքյան, Ձեզ պետք է սպառնա՞մ, մտածում եք՝ Ձեր ավտոն պիտի վառե՞մ, պիտի Ձեր հետևից մարդ ուղարկե՞մ, լո՞ւրջ եք ասում: Այ, ուղարկողների առաջ ժպիտի մեծ դոզայով եք խոսացել»։
Նիկոլ Փաշինյանը նաև նկատեց․ «Ինչ վերաբերում է հիշողությանը, հիշողության կարիք չկա, փառք Աստծո, Youtube կա, հիշողությանը ինչո՞ւ եք հղում անում, ես հղում եմ անում Youtube-ին, Դուք հղում արեք հիշողությանը»:
Մանրամասները՝ տեսանյութում։
