15.11.2024 | 14:41
Բայրամովը՝ COP29-ին համաշխարհային առաջնորդների բացակայության և Ֆրանսիայի բոյկոտի մասին
Ուկրաինայի Կիրովոգրադի մարզում հրապարակվել է ապագա հայկական վանական համալիրի էսքիզը
Մշակույթ
08.02.2020 | 19:02
Ուկրաինայի Կիրովոգրադի մարզի հայերի միությունը հրապարակել է Կրոպիվնիցկի քաղաքում Ինգուլ գետի ափին ապագա վանական համալիրի էսքիզը, հաղորդում է AnalitikaUA.net-ը:
Էսքիզ-առաջարկը սոցցանցում հրապարակել է Ուկրաինայի Կիրովոգրադի մարզի հայերի միության ղեկավար Տիգրան Խաչատրյանը:
Նախագծում ներկայացվել է ճակատային հատվածում մեծ մուտքով մոնոլիտային շենք: «Հարգելի՛ պատգամավորներ, խնդրում եմ Ձեզ աջակցել որոշմանը: Շնորհակալություն բոլորին, ովքեր կապ ունեն այս պատմական պահի հետ»,- գրել է Խաչատրյանը:
Հիշեցնենք, որ Միխայիլովսկայա փողոցում 1100 քմ մակերեսով հողատարածքը կարող են փոխանցել «Հայ առաքելական եկեղեցու կրոնական համայնքին»:
Ավելի վաղ հաղորդվել է, որ Կիեւում հայկական տաճարի կառուցումը մոտենում է ավարտին:
Հայտնի է, որ եկեղեցիների կառուցումն Ուկրաինայի հայերի միության հիմնական նպատակներից մեկն է: Միության ղեկավար Վիլեն Շատվորյանի խոսքով՝ եկեղեցիների կառուցումը թույլ կտա իրականացնել հայկական սփյուռքի գլխավոր նպատակներից մեկը, որն է՝ բացահայտել հայկական մշակույթը Ուկրաինայի ժողովրդի համար:
