15.05.2024 | 23:54
25 հեկտար հողերը կվերադարձվեն Կիրանցին, ճանապարհի տեղափոխման խնդիր կա. վարչապետի աշխատակազմ
Ես ձեզնից էդպես էլ գլուխ չհանեցի, կողմնորոշվեք․ Ռուբեն Ռուբինյանը՝ ԼՀԿ-ին
Քաղաքականություն
06.02.2020 | 18:39
Գործ ունենք Սահմանադրության ոգու խախտման հետ: Ազգային ժողովի արտահերթ նիստում ունեցած ելույթում ասաց «Իմ քայլը» խմբակցության պատգամավոր Ռուբեն Ռուբինյանը:
«Ամեն ինչ իրականում շատ պարզ է՝ կա մարդ, որն այժմ զբաղեցնում է Սահմանադրական դատարանի նախագահի պաշտոնը, որը սկզբից՝ արդարադատության նախարար լինելով, մասնակցելով 2015 թվականին պաշտոնական արդյունքներով ընդունված և հետագայում ուժի մեջ Սահմանադրության նախագծմանը, հետագայում խախտել է իր իսկ երազած Սահմանադրության ոգին և մինչև 65 տարեկանն ընտրվել է ՍԴ նախագահ՝ ի հեճուկս այն փաստի, որ ըստ իր երազած Սահմանադրության՝ նա պետք է ընտրվեր 6 տարով, և ոչ թե ԱԺ-ի կողմից, այլ Սահմանադրական դատարանի կողմից»,- ասաց Ռուբինյանը:
Նրա խոսքով՝ գտնվել է խնդրի միակ, ճիշտ, ամենալեգիտիմ լուծումը:
«Եվ ես կուզեի անդրադառնալ «Լուսավոր Հայաստան»-ի՝ իմ շատ հարգելի գործընկերներին: Սիրելի՛ գործընկերներ, ես ձեզնից այդպես էլ գլուխ չհանեցի: Խնդրում եմ՝ իմ ասածներն անձնական չընդունել, խոսքը վերաբերում է ձեր քաղաքական գծին: Ես կարծում եմ՝ եկել է ժամանակը, որ վերջապես կողմնորոշվեք, մի անգամ հստակ դիրքորոշում հայտնեք»,- հայտարարեց Ռուբեն Ռուբինյանը:
Մանրամասները՝ տեսանյութում:
