18.12.2025 | 21:39
Երևանում և 9 մարզում էլեկտրաէներգիայի անջատումներ կլինեն
Սիրիայում չորս ռուս զինծառայող է զոհվել․ ՌԴ արտգործնախարարություն
Քաղաքականություն
06.02.2020 | 17:24
2020-ի հունվարին Սիրիայի Իդլիբ քաղաքի դեսկալացիոն գոտում չորս ռուս զինծառայող է զոհվել։ Այս մասին հայտնում է kommersant-ը՝ հղում անելով ՌԴ արտաքին գործերի նախարարության տարածած հաղորդագրությանը։
«Հունվարի կեսին ռուս և թուրք զինվորականները Իդլիբի էսկալացիոն գոտում ձեռնարկեցին «լռության ռեժիմ» մտցնելու հերթական փորձը, սակայն ահաբեկիչները ոչ միայն չթուլացրին իրենց մարտական գործողությունները, այլ, ընդհակառակը, ուժեղացրին գրոհները։ Զոհվել են նաև ռուս և թուրք ռազմական փորձագետներ», – ասվում է նախարարության հաղորդագրության մեջ։
Աղբյուրի փոխանցմամբ՝ չորս ռուս զինվորականների մահվան հանգամանքները և անունները ճշտված չեն։ Ռուսաստանի արտգործնախարարության հաղորդագրության մեջ նշվում է նաև, որ տարեսկզբից տարածաշրջանում ահաբեկչական գործողությունների ակտիվության բարձրացում է նկատվում։
Նելլի Մելքոնյան
